9.7 C
Hakha
Wednesday, November 25, 2020

COVID-19

Vawleipumpi
60,518,725
A zawmi
Updated on November 25, 2020 7:36 pm
Vawleipumpi
1,422,921
A thimi
Updated on November 25, 2020 7:36 pm
Vawleipumpi
41,338,997
A dammi
Updated on November 25, 2020 7:36 pm

US Hlutdaw Niam nih President Trump phuah dingin taza a cuai taktak cang

Advertisement

Washington — Democratic party nih kum 3 chung an i zuam peng hnu, zahan December 18 ah President Donald Trump (kum 73) cu phuah dingin taza an cuai khawh taktak cang.

US ram an dirhnak in kum 243 chungah President Donald Trump hi phuah dingin tazacuaimi (impeached) president 3nak asi. Nain, impeach mi hohmanh an phuak taktak rih hna lo. Impeach a rak tong vemi president 2 cu;

  • President Andrew Johnson – kum 1868 ah le
  • President Bill Clinton – kum 1998 ah an si. President Richard Nixon zong kum 1974 ah phuah dingin tazacuai an rak timh nain an cuai manh hlan ah amah tein aa phuak.

Democrats pawl nih President Trump phuah dingin tazacuainak caah Hlutdaw Niam (House) ah biatung (article) 2;

  • Nawlngeihnak Ningcang Loin a Hman (Abuse of Power) le
  • Hlutdaw Rianṭuannak a Donh (Obstruction of Congress) timi an ap.

President Trump nih ‘Nawlngeihnak Ningcang Loin a Hman caah phuah dingin tazacuai’ cu nan lungtling maw? tiin Hlutdaw Niam MP/representatives pawl nih vote an thlak i;

  • ‘Yes’ tiin MP 230 nih an vote
  • ‘No’ tiin MP 197 nih an vote
  • ‘Ka sum’ tiin MP 1 nih a vote
  • MP 3 an vote lo. Yes nih an tei. Atang hmanthlak ah result ka langhter bangin ‘Yes’ a vote tu pawl hi Independent MP 1 le Democratic MP lawngte an si. Democratic MP 1 le Republican MP 2 an vote lo, adang Republican paoh cu ‘No’ lawngte an vote.

Mah hnu ah, ‘Hlutdaw Rianṭuannak a Donh’ timi cu an vote ṭhan i;

  • MP 229 nih Yes an vote
  • MP 198 nih No an vote
  • MP 1 nih ‘ka sum (present)’
  • Democratic MP 1 le Republican MP 2 an vote lo. Yes nih an tei hoi. Democrats le Republicans tiin an i ṭhen hoi.
Hmanthlak — Phuah dingin tazacuainak caah Democrats pawl nih Articles 2 “Abuse of Power” le “Obstruction of Congress” an chuahpi i Hlutdaw Niam ah vote an thlakmi result

Yes nih an tei caah, President Trump cu Hlutdaw Niam (House) nih phuah dingin tazacuai (impeach) asi cang — Hlutdaw Niam ahcun Democratic MP an tam deuh tuk caah an duhmi paoh an tuah khawh. Anmah nih an uk ti khawh asi.

Hlutdaw Niam nih phuah dingin taza a cuaimi cu biakhiaktu Hlutdaw Sang (Senate) sinah a ap. Hlutdaw Sang MP/senators pawl nih hmai thla ah an ceih lai. MP/Senators cheuthum-cheuhnih nih an cohlan lawngah President cu phuah khawh asi.

Hlutdaw Sang ahcun Republican MP an tam deuh tuk caah an party member President Trump cu an ven khawh lai tiah zumh asi — Democrats nawncek kuang an sah khawh lai tiah zumh asi.

President Trump an phuah khawh taktak lo ding cu Democrats pawl nih an hngalh tuk ko, nain 2020 November thla ah President Thimnak a um ding si caah President Trump belnaang neh an duh. Cun, an huat tuk caah vawlei caan dongh tiang tuanbia ah a minchiat ter an duh caah si, tiah thiamsang pawl nih US media interview ah an chim len.

2020 November ah term 2nak President cuh aa timmi Trump nih ‘Democrats pawl nih phuah dingin taza an ka cuaimi hi hramhram in president chuh an ka duh caah si’ ati.

Hitin Democrats pawl nih President Trump an doh tuk caah Democrats le Republicans karlak ah lungrual lonak le i remlonak a karh chin. Democrats ṭanhtu mipi le Republicans ṭanhtu mipi karlak zongah lungrual lonak a chuak chinchin. America aa ṭhencheu chinchin.

Theihternak: Kawlram le ramdang tampi ahcun Hlutdaw member paoh cu MP tiin auh dih an si nain, US, Australia le ram cheukhat ahcun Hlutdaw Niam member cu ‘representative’ an ti hna i Hlutdaw Sang member cu ‘Senator’ an ti hna. ‘Congressman/woman’ ti zongin an auh hna. MP he aa khatmi si ko caah zapi i fian colh dingin ‘MP’ lawngte ka hmannak asi.

Kan Bawm Ve

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si. Lunglawmh thawngthanhnak caah na min le hmanthlak na kan kuat khawh cun kan i lawm chinchin ko hnga.

Email Kan Kua

Na email kan kua law, ni fatin thawngpang thar kan in kuat lai

Email Kan Kua

Na email kan kua law, ni fatin thawngpang thar kan in kuat lai

Ṭial Tharmi

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

VIDEO: Malaysia Cozah nih EMCO Chung um Kawlrammi 59 a Tlaih Hna

Malaysia cozah nih lockdown (EMCO) a tuahnak Hentian Kajang sang ah phungninglo ramdangmi 141 a tlaih hna, kawlrammi 59 an i tel. Hentian Kajang sang...

Ralrinpeknak: Pi Ni Zii hi Hakha ah Thil Zuar Pah in Mi Inn ah Thil Laak a Hman caah i Ralring Cio Uh

Ralrinpeknak le theihternak Pi Ni Zii@Saa Doi hi Hakha khuapi ah i chawh in Laithil le thil dangdang tibantuk a zuar tawn mi a si....

Ṭial Tharmi

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

VIDEO: Malaysia Cozah nih EMCO Chung um Kawlrammi 59 a Tlaih Hna

Malaysia cozah nih lockdown (EMCO) a tuahnak Hentian Kajang sang ah phungninglo ramdangmi 141 a tlaih hna, kawlrammi 59 an i tel. Hentian Kajang sang...

Ralrinpeknak: Pi Ni Zii hi Hakha ah Thil Zuar Pah in Mi Inn ah Thil Laak a Hman caah i Ralring Cio Uh

Ralrinpeknak le theihternak Pi Ni Zii@Saa Doi hi Hakha khuapi ah i chawh in Laithil le thil dangdang tibantuk a zuar tawn mi a si....

COVID-19

Vawleipumpi
60,518,725
A zawmi
Updated on November 25, 2020 7:36 pm
Vawleipumpi
1,422,921
A thimi
Updated on November 25, 2020 7:36 pm
Vawleipumpi
41,338,997
A dammi
Updated on November 25, 2020 7:36 pm
- Advertisement -