US: Florida ah inn a cim i minung 1 thi, 9 sizung phan

- Advertisement -

US ram, Florida state i Surfside khua um dot-tampi condominium inn nganpi cu tu zing dei lai ah hrap cheu a cim i atutiang ah minung 1 a thi i 9 sizung an phan cang.

Inn cim nih a nenhmi hna pawl cu meithat nih an chanh cuahmah hna liopi asi, tiah CNN, CBS News le US media pawl nih an thanh cio.

Inn cimmi chungin ngakchia pate pakhat zong meithat nih an chanh khawh.

“Atutiang kan theih khawh tawk ah minung 1 a thi cang. 9 sizung an phan cang. An hma zei dah lawh ti kan hngal rih lo,” tiah Surfside khuabawi nih a chim.

Inn cim nih a nenhmi dang pawl cu mikhamhtu pawl nih thinphang thlalau in chanh an i zuam cuahmah hna liopi asi. Meithat pawl cu truck cung tohmi arhlei cung kai in innleng varenda kip ah an kai i hartong chanh awk a kawl hna. Dot khat hnu dot in an kawl thluahmah fawn hna.

“Champlain Towers” tiin an auhmi dot-tampi ummi condominium inn asi.

Surfside cu Miami Beach chak te ah a ummi khua asi. Miami-Dade Meithat Zung nih, “Meithat phu 80 leng kan thlah hna. Khuapi meithat zung zong nih tampi a thlah hna,” tiah Twitter ah a thanh.

Miami Beach Palik nih, “Miami-Dade pumpi palik le meithat tampi nih an zuanhnawh hna,” tiah Twitter ah a thanh ve.

Florida Mei Zung nih, “Mei nih a leihnak hna hnga lo, mahka hrawng chungkhar 400 hrawng mei kan hmih,” ati.

Inn cimhnak pawngah chungkhar a baumi i kawl-hngahnak buk an tuah.

A pawng um hotel pakhat i khual zong nawlngeitu nih an zaamter dih hna. Zaamtermi pakhat nih, “Mah inn nganpi lakah pakhat cu a cim dih cang! Inn ningpi in a tlau cang. A inn ningpi in a tlau cang…. Ei ka nu khuazing. Ka nun chung ka hmuhmi vialte lakah khuaruahhar bik si,” ati.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...