23.7 C
Hakha
Thursday, June 24, 2021
- Advertisement -

Ṭial Tharmi

US Election Result Zei Tik Dah Fian Lai?

Tuni cu US President le Hluttaw Palai thim ni asi bang, mi tampi cu zei tik dah result a fian lai, zaan khuadei kan hngak lai maw siloah tuante dah kan ih lai i zingka ah result kan theih lai? ti nan ruat men lai.

Vanchiat ah, hohmanh nih an hngal cio lo. US media vialte i funtomnak AP le Reuters hmanh nih an hngal lo.

Tutan thimnak cu COVID-19 pulrai ruangah minung 100 millions bak nih saṭaih (mail) le mihring in ahlankan/early vote an thlak. 2016 nakin let 2 tam deuh. Hi zatzat nih ahlankan in vote an thla bal lo. Pulrai ruangah thim ni ah kan vote kho lai lo ti an phan caah le thim ni ah mibu lak chuah an duh lo caah asi bik.

Cucaah vote rel a rau deuh tuk lai i tuzaan ah result a fiang kho/lo men, thaizing hmanh ah a fiang kho/lo men. Nain, thil sining kan langhter lai i tlawmpal tal ruahnak an bawmh men lai.

Voi dang cun thim zaan ah a fiang tawn. Tuzaan ah a fiang hrimhrim lai lo tinak cu asi lo, voi dang nakin a har deuh ti duhnak asi.

Vote thlak khar caan

State khat le khat ah vote thlak an khar caan aa khat cio lo. Tuanbik an kharmi pawl hi Nichuahlei Caan (ET) 6pm asi i tlaibik hi 12am ah an khar hna – atanglei ah state pakhat cio khar caan um.

Vote thlak khar hnu cun a vote rih lomi zong vote ngah ti lo.

State cheukhat cu vote thlak an khar cangka in vote an relmi result an thanh chom colh, nain voi 1 ah a ningpi in an thanh lo caah news na zoh tikah tuan ahcun result fiang na hmu kho lai lo.

Vote Rel Caan

President Trump nih thim zaan hrimhrim ah result a fian awk si, a ti ko nain tutan cu voi dang he aa lo lai lo.

Zei tik hman ah state dihlak nih thim zaan ah result an thanh dih bal lo, upadi zong nih thanh dih uh a ti hna lo – Trump chimmi cu a duhnak sawhsawh si.

Liamcia caan ahcun, vote an rel dih hlan (acheu fai hrawng an rel hnu) ah media pawl nih teitu an ruahdamh khawh i an thanh tawn.

Tu kum cu, thim zaan ah teitu hngalh khawh ding tlukin vote tam an rel kho lai maw ti a fiang lo. Vote vialte an rel khawh lo ding cu a fiang ko, nain chum-li cheu-thum hrawng an rel ahcun teitu ruahdamh khawh asi.

Cun, Republican le Democrat an i tluk ngainak state (swing states) pawl ah teinak a hmumi paoh nih rampumpi ah teinak (Electoral College vote 270 leng) an hmuh peng. Mah states pawl ah teitu theih ahcun a fiang ngai cang. Tutan hi state 8 ah Biden le Trump an i tluk ngai.

An i tluk ngai nak state 8;

  1. Arizona
  2. Ohio
  3. North Carolina
  4. Georgia
  5. Florida
  6. Wisconsin
  7. Michigan le
  8. Pennsylvania ah teinak tam deuh a hmumi paoh nih teinak an co lai. A taangmi state 37 (le District of Columbia) ahcun cuka state ah Trump/Biden nih teinak a hmuh lai ti a fiang cia. Tahchunnak ah, Indiana cu Republican nih a tei pengnak si i tutan zong Trump nih a tei lai ti theih cia asi. Cu bantukin California cun Biden nih a tei lai ti theih cia asi.

Langhtermi state 13 ahhin zeizat nih dah tuzaan ah vote an rel khawh timi nih “zei tik dah result a fian lai” timi cu lai a rel te lai. Pennsylvania le Michigan hi cu tuzaan ah an rel kho lai lo ti a fiang cia.

Cun, Nebraska le Maine telh lo adang state 48 ahcun teinak a hmumi paoh nih Electoral College vote a dihlak in i lak (winner-take-all system) asi. Tahchunnak ah, Pennsylvania state ah Electoral College vote 20 um i Trump nih mipi vote 51% a ngah cun 20 ningin aa lak lai i Biden cu 0 si lai.

Ho nih dah a tei lai na zumh?

US media pawl nih mipi ruahnak halnak (poll) an tuahmi pawl ahcun Biden nih tamtuk in a tei.

Cucaah media pawl nih cun Biden nih a tei ding hi 90% a fiang an ti. Trump nih a tei khawhnak lam cu 10% lawng um an ti.

2016 lio zong Hillary Clinton nih poll ah a tei caah thim ni zongah a tei lai an rak ti nain pakpalawng asi diam.

Nain media pawl nih, tutan cu 2016 ah Hillary nih Trump a thlau ning bantuk si lo. Hillary nih cun tu thla ah poll ah a tei i hmai thla ah Trump nih a tei tiin aa thlen lengmang pinah tampi in a tei lo. Tutan cu Biden nih a pehpeh in a tei peng pinah tamtuk in a tei, an ti.

Nang ta, ho nih dah a tei lai ti na zumh? US media pawl hi an i palh hoi ko lai ti na ruat maw?

State pakhat cio vote thlak khar caan;

  1. Alabama: 8 pm ET (7 pm local)
  2. Alaska: Midnight ET (A), 1 am ET (H); 8 pm local
  3. Arizona: 9 pm ET (7 pm local)
  4. Arkansas: 8:30 pm ET (7:30 pm local)
  5. California: 11 pm ET (8 pm local)
  6. Colorado: 9 pm ET (7 pm local)
  7. Connecticut: 8 pm ET/local
  8. Delaware: 8 pm ET/local
  9. District of Columbia: 8 pm ET/local
  10. Florida: 7 pm ET (E), 8 pm ET (C); 7 pm local
  11. Georgia: 7 pm ET/local
  12. Hawaii: 12 am ET (7 pm local)
  13. Idaho: 10 pm ET (M), 11 pm ET (P); 8 pm local
  14. Illinois: 8 pm ET (7 pm local)
  15. Indiana: 6 pm ET (E), 7 pm ET (C); 6 pm local
  16. Iowa: 10 pm ET (9 pm local)
  17. Kansas: 8 pm ET (C), 9 pm ET (M); 7 pm local
  18. Kentucky: 6 pm ET (E), 7 pm ET (C); 6 pm local
  19. Louisiana: 9 pm ET (8 pm local)
  20. Maine: 8 pm ET/local
  21. Maryland: 8 pm ET/local
  22. Massachusetts: 8 pm/local
  23. Michigan: 8 pm ET (E), 9 pm ET (C); 8 pm local
  24. Minnesota: 9 pm ET (8 pm local)
  25. Mississippi: 8 pm ET (7 pm local)
  26. Missouri: 8 pm ET (7 pm local)
  27. Montana: 10 pm ET (8 pm local)
  28. Nebraska: 9 pm ET (8 pm local for CT, 7 pm local for MT)
  29. Nevada: 10 pm ET (7 pm local)
  30. New Hampshire: 7 or 8 pm ET/local (varies by municipality)
  31. New Jersey: 8 pm ET/local
  32. New Mexico: 9 pm ET (7 pm local)
  33. New York: 9 pm ET/local
  34. North Carolina: 7:30 pm ET/local
  35. North Dakota: 8 pm ET (C), 9 pm ET (M); 7 pm local
  36. Ohio: 7:30 pm ET/local
  37. Oklahoma: 8 pm ET (7 pm local)
  38. Oregon: 10 pm ET (M), 11 pm ET (P); 8 pm local
  39. Pennsylvania: 8 pm ET/local
  40. Rhode Island: 8 pm ET/local
  41. South Carolina: 7 pm ET/local
  42. South Dakota: 8 pm ET (C), 9 pm ET (M); 7 pm local
  43. Tennessee: 8 pm ET (8 pm local for ET, 7 pm local for CT)
  44. Texas: 8 pm ET (C), 9 pm ET (M); 7 pm local
  45. Utah: 10 pm ET (8 pm local)
  46. Vermont: 7 pm ET/local
  47. Virginia: 7 pm ET/local
  48. Washington: 11 pm ET (8 pm local)
  49. West Virginia: 7:30 pm ET/local
  50. Wisconsin: 9 pm ET (8 pm local)
  51. Wyoming: 9 pm ET (7 pm local)
- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -