6.4 C
Hakha
Tuesday, December 10, 2019
More

    US cozah nih Myanmar phungki inn remhnak caah $1 million a bawmh

    Follow Us

    99,419FansLike
    254SubscribersSubscribe

    Ṭial Tharmi

    - Advertisement -

    US cozah nih Mandalay region um Shwe Nan Daw phungki inn remhnak caah $1 million a bawmh cang, tiah Myanmar Times English tadinca nih a ṭial.

    Yangon um US Tanzung nih November 8 ah cathanh a chuah i “Myanmar nunphung kilvennak caah US Ramdang Vuanci Zung tangum Ramdang Palai Tangka Zung nih $300,000 a bawmh chap,” ati.

    Hmasa ah $700,000 a rak bawmh cangmi he cun $1 million a bawmh cang tinak asi.

    “US cozah nih hi tuanbia caam phungki inn remhnak caah tangka a bawmhmi nih cun khuami caah thilṭha a chuahpi lai pinah mileng zong nih hi a biapi tukmi nunphung hmun a sunlawinak an teh khawh peng lai,” tiah Yangon um US Tanzung lutlai Scot Marciel nih a chim.

    US Ramdang Palai tangka bawmhnak, Leicung Roinn Tangka bawmhnak le Mandalay cozah bawmhnak in Shwe Nan Daw phungki inn remh rian cu kum 2014 ah an thok.

    Phungki inn kam luti luannak an remh, hlei an remh, teak thing kha ironwood thing in an thlen. Cun zuk suaimi pawl dawh tein an remh hna.

    Thlanglei verandas remh rian cu an lim cang i nichuahlei kam remh rian an thok cang.

    Shwe Nan Daw cu 19nk kum zabu lio i Konbaung-chan ah kutzung ṭha bikin an sakmi phungki inn asi. Tuanbia cauk ning ahcun India tangka rupees 120,000 dih in an rak sakmi asi.

    Phungki inn cu hlan lio minung zuk suaimi suttung 42 le tungte 150 nih an dohmi roinn asi. Cungcih dot 3 in sakmi asi caah adang hlan lio phungki inn pawl he aa lo lo, tiah hlan lio cauk ningin theih asi.

    Phungki inn dohtu tungte pawl cu sui hnah in an thuam hna nain minung tamtuk nihg tongh le muai ruang, hngerhte raang le ruahpi ruangah an rawk ngai cang hna. A ṭuang zong Mandalay nilin le khuapau ruangah an rawk pah dih cang, tiah architects pawl nih an chim.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.