6.4 C
Hakha
Tuesday, December 10, 2019
More

    US Cozah nih Kawlrammi 100 Renglo Caah Scholarship a Chap Lai

    Follow Us

    99,419FansLike
    254SubscribersSubscribe

    Ṭial Tharmi

    - Advertisement -

    US President Abraham Lincoln min in Myanmar ram caah tuahmi US Cozah Scholarship chungin minung 100 renglo lak khawh asi lai, tiah US Tanzung nih thawng a thanh cang.

    “Kum saupi chimrelpiaknak kan tuah hnu ah hi bantukin US Cozah nih Kawlrammi kan herhnak a theih i, bawmhchannak a kan tuah piakmi cungah tampi kan i lawm,” tiah Salai Elaisa Vahnie nih a chim.

    “Kawlram caah tuahpiakmi Fullbright le adang scholarship pawl nih Kawlram serṭhannak le ṭhachonank ah an ṭhathnem cuahmahmi kan hmuh. Sihmansehlaw, hi hna hi a tlawmtuk; a za lo. Tam deuh kan tuah piak ko uh, tiah kan halnak hi a sau cang. Atu bantuk a theipar kan hmuh caah kan i lawm ngai” tiah a chim chap.

    Lincoln Scholarship cu Kum 2020 in thok a si lai i, kum 2023 ah minung 100 hrawng US Universities pawl ah Master degree cawn khawh ding a si lai, tiah theih a si.

    Kawlram Cozah zong nih hi nakin tam deuh Kawlram caah scholarship pek khawh dingin a tawlrel cuahmah tiah a chunglei thil a theimi hna nih an chim.

    Myanmar Scholars and Leaders Program Scholarship zong naite ah khan Kawlram Rectors’ Committee le BACI nih an thanhchuah ve cang.

    Hi bantuk USA Universitu ṭhaṭha ah kum 20 chungah Kawlrammi 1,000 hrawng nih Master le Ph.D degree an hmuh khawh ahcun tu hnu kum 40 ahcun Kawlram nih Singapore kan phak khawh ve ko lai. Cucu kan chunmang asi, tiah Salai Elaisa Vahnie nih a chim.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.