US Chinmi caah Trump nakin a ttha deuhmi Andrew Yang – Universal Basic Income

98,773FansLike
51FollowersFollow

Thil sining te lawng kan ttial lai, ziaza le tehte fek a um lomi mah ruahnak zeihmanh kan langhter lai lo.

2020 US President Thimnak ah Democratic party in cuh aa zuam cuahmahmi Asian pa Andrew Yang nih, “president ka ngah cun kum 18 cung US citizen paoh nan duhnak paoh ah hman dingin thla fatin $1,000 cio peng kan pek hna lai” tiah a chim. Cu bantuk cu ‘Universal Basic Income (UBI)’ tiah auh asi. Amah nih cun “Freedom Dividend” tiah mindin a sak. Mah hihi president aa cuh hnawhchan bik asi.

Tesla electric car company le rocket company SpaceX ngeitu billionaire Elon Musk, Facebook company dirhtu Mark Zuckerberg le adang mirum (mifim) tampi zong nih Andrew Yang duhmi UBI cu ‘mipi caah thil ttha asi’ tiin an ttanh bantukin ‘asi kho lo ding’ tiah a soiseltu zong an tampi ve.

UBI hi kan ram caah thil ttha asi lai maw tiah, data scientists le khua ruat kho deuh pawl i khawm in tuak tannak (open source think tank) bu The UBI Center an dirh i software hmang in biatak tein an tuak dih cikcek hnu ah, Andrew Yang duhmi UBI hi US rammi 87% caah thil ttha tuk asi, tiah a phi an chuah.

Ahlei in sifak (kum 1 ah $50,000 tang a hlawhmi) pawl ca hrim ahcun thil ttha taktak asi, an ti.

Cozah bawmhnak (food stamp or SNAP, SSI, werfare, tbk.,) a ei liomi pawl cu UBI bawmhnak thla fatin $1,000 le an ngahmi cozah bawmhnak lakah an duh deuhmi 1 thimnak nawl pek an si lai. Pahnih in ngah tti khawh si lai lo. A duh lomi kha hramhram in pek an si fawn lai lo.

Zeitin dah mah zat tangka cu a pek khawh hna lai?

US cozah Milu Relnak Zung cazin ningah kum 18 cung citizen 236 million an um. Thla fatin $1,000 cio (kum 1 $12,000 cio) pek ding ahcun $2.8 trillion fai a herh.

Nain, minung 2 milllion cu atu lio cozah bawmhnak an ngahmi hi $1,000 leng asi caah UBI an i thim duh lai lo. Mah ruang cun $18 billion zuk.

Cozah nih kum fatin $133 billion dih in a bawmh pengmi minung million tampi cu cozah bawmhnak an ngahmi nakin UBI a hlawk deuh caah UBI an i thim lai. $133 billion zuk tthan.

UBI peknak caah Vallue Added Tax (VAT) timi tax phun thar 10% ka lak hna lai, tiah Andrew Yang nih a chim. Tax tangka thar $1.2 trillion a chuak lai. VAT tax cu ram tthangcho a simi EU le Asia hmanh ah an tuah ciomi si caah fawi tukin a tuah khawh lai. Malaysia hmanh ah VAT tax a um.

Atu cun $1.4 trillion lawng a herh cang. Mah hi cu US cozah tangka hman a hau lai.

US ram ah sifak le inn ngeilo an zor lai

Thla fatin $1,000 cu a si khomi caah cun zeihmanh si lo nain sifak le inn ngeilo caah cun ‘khamhtu’ bak asi.

Cucaah, ramri ngeilo cozah bawmhnak UBI tangka $1,000 nih hin US ram ah sifak le inn ngeilo milu a zorter lai pinah sifak le mirum kar i hlatnak zong a naihter deuh lai.

US ram a rum chin lai, rian a tam deuh lai

US rammi million 230 leng nih UBI tangka thla fatin $1,000 cio peng an ngahmi cu an herhhai cawknak caah an hman tthan lai caah company thil tam deuh a man lai i company nih tangka tam deuh an hmuh lai pinah rianttuantu tam deuh lak an herh lai.

Cucaah, US Chawlehnak tangka $2.5 trillion a karh lai i rian thar 4.6 million a ser lai, tiah The Roosevelt Institute nih a langhter.

US Chinmi caah Trump nakin Andrew Yang a ttha deuh

US Chinmi cu Trump thawngin zeihmanh kan ngah lo. Malaysia le India taang kan chungkhat lebang cu miphun dang a hua tukmi Trump ralzaam policy ruangah US phan kho lo lungdong chinchin in an vai.

Andrew Yang a kai ahcun ralzaam tampi a lak lai caah Malaysia le India um kan chungkhat kan sin an phan kho lai. Kawlram kan nulepa le unau auh a fawi deuh lai.

Kawlram cathiam pawl US ah peem khawh asi lai. Andrew Yang nih “president ka ngah cun US University in degree a ngahmi paoh US citizen si khawhnak upadi ka ser lai” ati. Cathiam ahcun tangka ngeih lo zongah scholarship in US university kai khawh asi.

Mah pinah, US citizen a ngah cangmi paoh cu thla fatin $1,000 peng kan ngah lai. Atu lio cozah bawmhnak kan ngahmi pawl cu duhnak paoh ah hman khawh an si lo pinah mah zat zong asi lo. UBI $1,000 cu cozah nih hmannak ri a khiak lai lo, duhnak paoh ah hman khawh si lai.

US Chinmi lebang cu chungkhar pakhat ah kum 18 cung minung 4 hna kan um. Cozah nih thla fatin $4,000 peng kan chungkhar a kan bawmh lai.

Andrew Yang cu president a ngah kho ding si maw, ti balte cu caan lawng nih a chim khawh. Atutiang rampumpi mipi ruahnak laknak an tuahmi ning ahcun 7nk lawng asi caah ruahchannak a tlawm ngai, nain hmailei kong chim khawh asi lo. Caan nih bia a chim ning hoih in kan update ve lengmang lai.

Zohcihmi: The UBI Center

Ṭial Tharmi

US Kawlram nu Su Hliang cu a ruak in an hmuh

US ram, Oklahoma khuapi um kum 16 Myanmar nu Su Hliang cu ni 2 chung a tlau hnu ah a ruak in...
Abiy Ahmed

Ethiopia PM Abiy Ahmed nih 2019 Nobel Peace Prize a ngah

2019 Nobel Peace Prize cu Ethiopia Prime Minister Abiy Ahmed an pek. "Daihnak lenter dingin le ramdang he i bawmh aa zuammi"...
Nilen Parmawi hla thar 'Min Sung Bik' a chuak cang

Nilen Parmawi hla thar ‘Min Sung Bik’ a chuak cang

Hlasak thiam Nilen Parmawi nih tuni ahkhan Pathian thangthatnak hla 'Min Sung Bik' aa chuah i a tanglei bantuk in ca a...

Hakha ah 4-star hotel pathum an sak lai

Chin state ah a um bal rih lomi 4-star level hotel pathum (3) sak dingin company le Chin state cozah nih lungtlinnak...
Conor McGregor cu biaceih zung a phan

Conor McGregor cu biaceih zung a phan

UFC fighter Conor McGregor cu Republic of Ireland ram, Dublin peng ah a ummi zuu dawr ah mipa pakhat a rak thongh...
Lianhttps://www.thechinexpress.info
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.

US Kawlram nu Su Hliang cu a ruak in an hmuh

US ram, Oklahoma khuapi um kum 16 Myanmar nu Su Hliang cu ni 2 chung a tlau hnu ah a ruak in...

Ethiopia PM Abiy Ahmed nih 2019 Nobel Peace Prize a ngah

2019 Nobel Peace Prize cu Ethiopia Prime Minister Abiy Ahmed an pek. "Daihnak lenter dingin le ramdang he i bawmh aa zuammi"...

Nilen Parmawi hla thar ‘Min Sung Bik’ a chuak cang

Hlasak thiam Nilen Parmawi nih tuni ahkhan Pathian thangthatnak hla 'Min Sung Bik' aa chuah i a tanglei bantuk in ca a...