US Chin Khrihfabu nih Myanmar UN Palai Kyaw Moe Tun tangka tampi an bawmh

Date:

Share post:

Myanmar UN Palai U Kyaw Moe Tun cu uknak firtu Myanmar ralkap cozah nih lahkhah a pek lonak sau tuk cang caah zung hlan man le rawl ei awk a harsa tuk cang i US ram um Chin Baptist Khrihfabu 100 leng komh ‘Chin Baptist Churches USA (CBCUSA)’ nih tangka tampi a bawmh, tiah kan theih.

CBCUSA upa Rev. Zammang Mualcin nih, “NUG cozah nih lakhruak emergency in CBCUSA sinah bawmhnak an kan hal. Kanmah lawng si loin Kachin, Karen le Kawl zong an hal hna,” tiah a chim.

“Myanmar Ambassador to the U.N. awlokchong in a um lio caan ah a dirkamh khotu cu Chin dakawh kan si cu ti hi chim ka duh. Tangka tampi (cheque nganpi) kan bawmh.

“Chin cu Myanmar Rampi (Union of Burma) dirhtu miphun 4 lakah pakhat kan si. Mi tenau kan si lo.

“Ambassador Kyaw Moe Tun le a zung rianṭuan pawl awlokchong in an um lio caan ah a dirkamh khotu cu kanmah dawh kan si cu. Pathian thluachuah kan comi Kawlram pumpi tiang kan hrawmh khawhmi hi CBCUSA chungtel vialte lungrual tein rian kan ṭuanṭi caah asi.

“I lungrual peng usih law Kawlrampi thlengtu hi Chinmi si ko usih tiah kan sawm hna,” tiah CBCUSA i Associate General Secretary Rev. Zammang Mualcin nih a chim.

Pu Zo Tum Hmung nih, “CBCUSA kan pale hi hmailei caan saupi ca tiang khua a ruat khomi nan si kan ti lengmang hna,” tiah CBCUSA hruaitu hna sinah lunglawmhnak bia a chim ve.

“CBCUSA sinah tangka tampi bawmh an kan hal lio ahkhan pakhat pa lebang cu a mitthli tla bak kha mu, a ṭap bak ko khah. Tangka tampi nan bawmh hna.

“Nan bawmhmi hna kha, US Ramdang Vuanci Zung le USAID (US cozah ti ko usih) he kan i ton lio ah Rev. Zammang Mualcin nih a chim; Kannih cu Chin ca lawngah kan ṭuan lo. Midang ca zongah kan ṭuan ee, tiin a chim tikah US cozah thinlung ah rian a ṭuan ngai tiin ka hmuh.

“Atu zong phaisa kan thawhmi hi US cozah nih a theih. Kannih Chin miphun cu kanmah tein kan i zuam. Kan ti khawh lomi dahkaw bawmh kan in hal hna hih ti kha asi.

“CBCUSA nih Burma Act 2021 kan ṭialmi a donghnak kong kha zoh tuah uh, Karenni kong pei kan ceih ko cu. Kanmah cu zei dah kan i sai ti khawh asi. Chin ca lawng hi kan pale nih an aupi lo. Karenni kong zong kan aupi, Magway le Kachin kong zong a herh ning rian kan ṭuan. Mah hihi CBCUSA kan pale nih an kan hruai ning asi,” ati.

Nawlpatnak: Chinmi lungrualnak bawmtu a sinak hnga, mi tampi hmuh dingin SHARE cio usih — Thawngpang tling deuh in kan hlat cuahmah lio asi i a thar um cun kan bet chap te lai, suimilaam 1 dan in zoh ṭhan lengmang dingin kan in nawl.

Lai website pawl nih The Chin Express thawngpang copy/paste ti lo dingin le kanmah ta i zoh in phun dang nawn in ṭial ti lo dingin kan in nawl hna. Copyright upat piak dingin kan in nawl hna.

Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

US Senator Young: Myanmar ralkap hi a tuhmi theipar zunter caan acu cang

US um Chin miphun a kan bawm zungzaltu US Hluttaw Sang MP/Senator Todd Young nih, "Phungninglo Myanmar ralkap...

US Chin company Yoshi nih Chinram dothlennak caah $50,000 a hlut

US ram i Chin company nganbik a simi Yo-Health (Yoshi) nih Chinram dothlennak caah $50,000 (Kawlram ting thong...

Jenevy Sui: Nan thatho seh tiah Dr. Ro Ding bia kaan hrawmh hna

Awṭha minthang Jenevy Sui nih, "Mah ca a reltu paoh nan thatho seh tiin Dr. Ro Ding bia...

Falam pengah Myanmar ralkap 25 an thah chap hna

Falam pengah ralhrang Myanmar ralkap 25 kan thah hna, tiah CNDF nih a chim. January 16 ah 17...