US _ Trump tanhtu nih thlipi hran in US Capitol chimh dih an timh caah National Guard (ralkap) a auh hna.
Congress nih thimnak fehternak an tuahmi ngol dingin Trump tanhtu nih Congress innpi cu an buaihnawh. Phunghram sertu hmanh hmun him ah thial hau dirhmun an phan. Palik pawl nih an kham kho hna lo, an pah dih hna. Mi cheukhat lebang cu thi chuak pelpul in an um.
Tear gas hna an hman, Congress-minung hmanh nih tear gas khamnak lukhuh an hman a herh cang. Thlalangawng hna an khuai. An hliamhmi nu kha sizung ah a thi cang fawn.
Congress members le US Capitol tiangmang kha an buaihnawh caah Trump nih daihter dingin a National Guard a auh cang hna tiah White House press secretary Kayleigh nih a langhter.
Vice president zong nih hi US Capitol i a cangmi thil hrawhnak le a hraangmi duhnak langhternak hi a dihdongh awk a si, atu bakah ngol hrimhrim awk a si a ti ve. Aho poh nih phunghram ningin rian a tuanmi hi kan upat hna awk a si a ti.
A daimi duh langhternak cu American mizeipoh covo a si nain kan Capitol a dohtu cu fawite in ngaihthiam nan si lai lo, a fahnak bik in phunghram ningin nan kong ceihpiak nan si lai.
Atu cu an ngol ta hnu in US Capitol a him ko ti theih hnu lawngah thok tthan dawhdang an si cang.
