16.3 C
Hakha
Sunday, August 1, 2021
- Advertisement -

Ṭial Tharmi

US ah Tuksapur Thlichia a Hrang Lai, Ralkap 4,000 Leng an Thlah Hna Lai

US ram, Texas le Louisiana states ah ṭihnung taktakmi thlichia a hrang ding si caah hartongmi bawm dingin ralkap 4,000 leng ready in an um cang, tiah CNN le US media pawl nih an thanh.

Thlichia cu “Hurricane Laura” tiin min an bunh.

Laura Thlichia (Hurricane Laura) cu Louisiana state um Lake Charles khua thlanglei meng 155 a hlatnak rili cungah aa huai cuahmah liopi asi, tiah Rampumpi Thlichia Zohnak Zung (National Hurricane Center) nih a thanh.

Nitlakchaklei khua pawl panh in suimilaam 1 meng 15 (15mph) rang in a rat cuahmah liopi asi.

Lake Charles khua, Louisiana state ah National Guard ralkap pawl mi bawm dingin timhcia in an um cang

Tuzaan zaanṭim (Central Time) hrawngah rili kam khua pawl a den hna lai. Rili kam a hung phanh tik ahcun a pinh tuk ahhin suimilam 1 ah meng 150 a phan lai. Category 4 asi lai, ati.

Louisiana National Guard ralkap 3,000 leng le Texas National Guard ralkap 1,000 leng cu mi bawm dingin timhcia bakin an um cang, tiah US ralkap headquarters Pentagon nih a thanh.

“Thlichia a fah tuk lawmmaam ahcun Louisiana National Guard ralkap 6,000 tiang kan thlah te hna lai.

“Vawlei, ti le thli zongin an bawmh hna lai. Mitlau kawl le khamhnak caah ti a tan khomi mawṭaw 222, sehlawng/boat 65 le ralkap vanlawng 19 cu timhcia in kan chiah cang.

Van le vawlei kar ah a ummi International Space Station (ISS) in Hurricane Laura thlichia hman an thlakmi

“A rawkmi zohfel tu dingah National Guard ralkap engineer team 10 le remhtu dingah National Guard ralkap engineer team 7 zong timhcia in an um cang.

“Texas state zongah hartong bawm dingin vanlawng 20 leng timhcia an si cang,” tiah Pentagon nih a thanh.

Thlichia nih rili ti tam taktak a ratpi chih caah a den ding Lake Charles khua cu tu zaan muika in thaizing tiang tilian fak taktak a tlung lai.

An khua chungah a luangmi tiva Calcasieu River cu pe 15 tiang ti a kai lai. Liamcia kum 100 chungah a fak bikmi tilian a tlung lai.

Texas state i San Luis Pass County in Louisiana state i Intracoastal City tiang a den dih lai. Texas state i Freeport khua in Mississippi River hna tiang zong fak taktak in a den lai.

- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -