16.7 C
Hakha
Thursday, June 17, 2021
- Advertisement -

Ṭial Tharmi

US ah Suimilaam 24 Chungah Covid-19 Mizaw 37,000 an Hmuh Hna

US ram ah minung tampi khat le khat aa hlat piin an um ti lo i an daithlan tuk cang caah Covid-19 zawtnak van tawng bak in a karh. Suimilaam 24 chungte lawngah mizaw thar 37,000 leng an hmuh hna.

Nizaan 1 chungah hmuhmi mizaw thar 37,000 lakah Florida, Texas, California le Arizona states ah hmuhmi an tambik.

Texas state hi Chinmi kan tam taktaknak asi. Zawtnak a tamnak Houston le Dallas area ahhin tambik kan um.

April thla i zawtnak a karh lingcing hmanh ah ni 1 ah a tambik mizaw thar 36,188 lawng an rak hmuh hna. Nizaan cu a tam chaihru.

Zawtnak aa thokka in atutiang US ram ah mizaw hmuhmi dihlak ting 24 leng (2,418,000) an si cang, tiah Johns Hopkins University nih a langhter.

Zawtnak a karh tuk caah US thlanglei le nitlaklei states cozah pawl nih khapmi on an timhmi pawl zong an let ṭhan thluahmah.

Nevada state cozah nih ‘mipi lakah mask nan i hruk hrimhrim lai’ tiin nawl a chuah.

Texas le Florida states cozah lutlai (governors) zong nih “zawtnak karh hlah seh tiin rak khapmi pawl kan ong ti rih lai lo” tiin onh timhmi pawl an letnak kong thawng an thanh.

President Donald Trump nih “mipi aa hlat pi in umter/lo cu state cozah kut ah ka ap” a ti. Florida state cozah lutlai telh in state cheukhat lutlai pawl zong nih “mipi lak ah mask i hruk/lo le dawr khar/lo cu khua cozah kut ah kan ap” an ti ve.

Nain, mithi balte cu mizaw thar tluk in an karh lo.

Texas state i Houston-area sizung pawl ahcun a zual tukmi zohkhenhnak ICU ah mizaw an khat dih cang. Texas state cozah lutlai Gov. Greg Abbott nih, “Covid-19 mizaw an tamtuk caah kan state khuapi nganbik pawl i sizung pawl ah surgery tuah kan phih chung” tiin nawl a chuah.

Mah lio ah, hmasa i US ram chungah mizaw an tambiknak New York state ahcun mizaw thar 749 lawng an hmuh hna.

New York City cozah nih “July 1 thokin kaanche (beaches) pawl kan on cang hna lai, restaurant ah rawl ei zong July 6 in kan onh cang lai” tiah thawng a thanh.

Mah bu zong cun, New York state cu atutiang US ram chungah Covid-19 mizaw an tambiknak asi peng ko. Mizaw 390,415 an si i mah chungah 31,276 an thi cang.

Mizaw an tamnak states in New York, New Jersey le Connecticut states ah a tlawngmi paoh cu zarh 2 chung lengchuak loin quarantine nan si lai. Nichuahchaklei states pawl in Florida le Texas states ah a tlawngmi pawl zong quarantine nan si lai. — Bloomberg

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -