US ah Pu Van Hmun a nunnak liam

- Advertisement -

US ram, Indianapolis khuapi um Pu Van Hmun Lian, kum 39 nih July 7 chun 11:53am (US caan) ah ruah lo piin hi vawlei nunnak in a kan liamtak caah tantakmi chungkhar, khuami le khrihfabu ngaihchia in an um lio asi.

Indiana Chin Baptist Church (ICBC) khrihfabu chungtel Pu Van Hmun cu liamcia thla 2 hrawng in alu fak i sibawi sinah aa piah ko nain a dam kho lo.

A donghnak ah sizung phan i MRI an thlak tikah a thluak ah a bomi (tumor) a um pinah a thluak chungah thi tampi a lut cang, ti an hngalh.

Pu Van Hmun, kum 39

Kan hnu zarh Ningani (July 2) zingka ah an hlai nain dam lei panh ti loin sertu Pathian sinah a kan kaltak.

Laitlang a chuahnak khua cu Tiphul asi. A nupi Pi Elizabeth Zing Men Tial le an fale 3 (kum 13 tang lawngte) a rohtak hna.

Pu Van Hmun hi mi fel le mi ṭha taktak asi. Khuami le khrihfabu zong nih bochanmi pasal ṭha ngaingai asi.

Tantakmi chungkhar ṭhutpinak le ruakthlahnak cu atanglei ningin asi lai.

Chungkhar ṭhutpinak

Ani: July 8, 2021
Acaan: 7pm
Ahmun: ICBC Biakinn

Ruakthlahnak

Ani: July 9, 2021 (Ningani)
Ruak zoh caan: 11:30am – 12pm
Pumh caan: 12pm – 2pm
Ahmun: ICBC Biakinn

Thlanhmun caanhmannak

Acaan: 2:00pm – 3:00pm
Thlanhmun (Cemetery): Mount Pleasant Cemetery
Address: 734 N Morgantown Rd, Greenwood, IN 46142

NB: Zuunngaih Par pek a duhmi nih Pastor Hrang Cung Hnin (317-986-0760) sinah cah khawh asi. Zuunngaih Par kual khat ah $150.00 a si lai.

Ngiahchiatpi buin,
Pastor Lal Cung Awi
Indiana Chin Baptist Church

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...