UNHCR: Ralzaam Pawl Hi Malaysia Ah Umnak le Rianttuannak Nawl Pe Hna

UNHCR: Ralzaam Pawl Hi Malaysia Ah Umnak le Rianttuannak Nawl Pe Hna
  • Dr Mahathir acozah nih, “Malaysia ah ralzaam pawl an himnak hnga Ralzaam Theihpinak Phungphai ah minsen ka thut lai” a rak ti bal
  • Malaysia ah phungning tein umnak le rianttuannak nawl pe hmasa hna, mah hi a biapi deuh tiah UNHCR nih a hal

KUALA LUMPUR: Ralzaam pawl hi Malaysia ah phungning tein umnak le rianttuannak nawl pe hna tiah UNHCR nih Mahathir acozah a hal.

“Mah hi cu ralzaam theihpinak phungphai ah minthut lo zongin tuah khawh a si ko,” tiah UNHCR Malaysia Lutlai Richard Towle nih a chim.

“Ralzaam hna hi an sining nan hngalh ahcun, ram himnak caah upadi ttha deuh in nan tuah khawh lai. Ralzaam pawl nih an ttuan khawhmi rian pawl hi rianngeitu/boss pawl nih an herh tukmi a si,” tiah June 25 ah Richard nih a chim.

Chin miphun cu 2019 December 31 tiang lawng UNHCR card/catlap tlaihnak nawl an ngei cang, mah hnu cun UNHCR nih a hlawt dih cang hna lai. Ka hmet law relchap.

“Malaysia a rung phanmi ralzaam pawl hi ka ram chungah him tein an um khawhnak hnga Kum 1951 Ramkip Ralzaam Theihpinak Phungphai kha min ka thut ve lai,” tiah Mahathir acozah nih a rak chim bal.

“Minsen a thut tak ahcun a ttha tuk hringhran nain, hi cu duhsah deuh in tuah khawh a si.”

“A biapi bikmi cu Cozah Lutlai Dr Mahathir nawlpeknak in atu bakah Malaysia ah ralzaam pawl covo pek hi a si, cun upadi hi tlawmpalte an remh lai i a tlamtling colh ko hnga,” tiah Richard nih a chim.

“Ramkip Ralzaam Theihpinak Phungphai ah minsen thut lo zongin tuah khawhmi a biapimi thil tampi a um.”

“Ralzaam Theihpinak Phungphai ah Malaysia nih minsen a thut lo caah ralzaam kongah aa ceih lo tinak a si lo.”

“Ralzaam caah a herh ningin upadi remh hna sehlaw mah hnu cun, Ralzaam Theihpinak Phungphai ah Malaysia nih minsen thut a duh si le a thut te lai, kanmah zong kan i lawm tuk lai i tha kan pek tuk lai.”

“Cozah thar vuanci pawl hi UNHCR nih a tuanh khawh chungin ton kan i zuam hna lai, hmai zarh Nikhatni ah vuanci pakhat kan ton lai, Ramchung Vuanci Zung zong nih ton kan duh hna a kan ti,” tiah a chimchap.

2018 May tiangah, UNHCR Malaysia nih UNHCR card/catlap a pekmi minung 157,580 an si cang. Mah chungah 72,490 (46%) cu Rohingya lawngte an si.

Malaysia cu Kum 1951 le 1967 Ralzaam Theihpinak Phungphai ah minsen a thu lomi a si. Cucaah, Malaysia ram ah a ummi ralzaam pawl cu a upadi ah ralzaam an si lo, anmah zohkhenhnak caah a herhmi upadi zong zeihmanh a tuah lo.

Malaysia Lahwahkah Upadi ningin cun, ralzaam pawl cu phungninglo ramdangmi ti an si.

Ralzaam pawl cu rianttuannak nawl zong a pek hna lo caah, mi tampi cu phungninglo in rian an ttuan.

| The Star

Leave a Reply

Your email address will not be published. Required fields are marked *