6.4 C
Hakha
Monday, December 9, 2019
More

    UNHCR nih ‘Malaysia Lahwahkah thong ah kan lut kho ti lo’ ati

    Follow Us

    99,419FansLike
    254SubscribersSubscribe

    Ṭial Tharmi

    - Advertisement -

    Kuala Lumpur — “UNHCR cu Malaysia cozah nih Lahwahkah thong ah luhnak nawl a kan pe ti lo…” tiin tuni ah UNHCR nih Chin ralzaam community upa pawl sinah thawng a thanh hna.

    Lahwahkah thong cu phungninglo ramdangmi pawl an ram ah kuat hna dingin an chiahnak hna asi. Malaysia Chinmi nih cun ‘camp’ ti deuh in kan auh.

    “Malaysia Lahwahkah nih August 2019 thokin atutiang khuazei lahwahkah thong hmanh ah luhnak nawl a kan pe ti lo, timi thawng kan in thanh hna cu kan lungṭha hin lo.

    “Mah ruangah, tlaih a tongmi kan minung (ralzaam) pawl cu UNHCR nih kan tong kho ti hna lo i thlah dingin kan nawlpiak kho ti hna lo.

    “Ralzaam zong lahwahkah thong ah thlakmi an um ti kan hngalh, bawmh a haumi a harsa khunmi zong an um. Bawmh a herhmi pawl a rannak in ton khawh dingin UNHCR nih Lahwahkah Zung le adang cozah zung le vuanci zung pawl kan ton peng hna, i pehzulh in kan ton peng rih hna lai.

    “Mah kong he pehtlai in thawngpang thar a um chom in kan in thanh than lengmang hna lai,” tiah UNHCR nih ati.

    UNHCR card le catlap a ngeimi pawl cu lenvahnak lampi ah palek nih an hmuh hna ahcun an tlai theng hna lo. A vanchiami cu tlaih an tong ve thiam.

    Nain, riantuannak hmun le inn ah lahwahkah le palek nih tlaihkhihnak (operasi) an tuah ahcun a vanchiami ralzaam cheukhat cu tlaih an tong ve. Mah bantuk pawl cu phungninglo ramdangmi pawl he lahwahkah thong (camp) ah an thlak ṭi hna.

    Theihternak: Lahwahkah thong (immigration detention center/camp) le thong (prison/jail) aa khat lo. UNHCR an luh khawh lonak cu ‘lahwahkah thong’ lawng asi.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.