UNHCR nih Chin mipi meeting a auh cang hna

UNHCR nih Chinmi meeting a auh cang hna

Malaysia: Chin mipi cu UNHCR nih thawngthanh dingin meeting a auh cang hna. Meeting auhnak kong cu an phone number cio ah sms a kuat dih hna.

Meeting ah an chim ding cu theih dih cangmi “Chin miphun cu nan ram a tthat cang caah nan tlung kho cang, 2019 December 31 in cun automatic in hlawt dih nan si lai,” timi kong kha a si.

June 13 ah Chin Ralzaam Bu (CRC, ACR, FRO, tbk.) upa pawl meeting a auh hna i a rak chimh cang hna.

Chin mipi sin zong kan ra lai i thil sining kan fianhte hna lai tiah an rak chim bantukin tuni ah Chin mipi sinah meeting auhnak ca a kuat hna hi si.

Meeting ni, caan le a hmun hna cu atang hmanthlak ahhin zoh khawh a si.

UNHCR nih Chinmi meeting
meeting ni, caan le hmun

Acung hmanthlak bangin, Chin mipi le UNHCR tonnak/meeting cu Selangor state chung hmun 4 ah an tuah lai.

Na umnak he aa naih biknak hmun pakhat paoh ah meeting rak kai ve dingin kan in sawm, tiah UNHCR nih a ti.

UNHCR nih, “2018 August 1 thokin Chin miphun cu card/catlap nan thlen tikah thim awk 2 kan in pek hna lai. Thim awk 2 hna cu;

  1. Ralzaam Dirhmun Biakhiahnak (RSD) interview phit na duh maw? Na duh ahcun thla 2 chungah kan in phitter lai. Na awnlo ahcun card/catlap kan in pe ti lai lo ti lai lo, i mah ni bak cun UNHCR he zeihmanh pehtlaihnak na ngei ti lai lo. 99% cu na awn lo ding a fiang ko.
  2. RSD interview phit na duh lo ahcun 2019 December 31 ca tiang catlap kan in pek lai. Mah hnu pinlei cu catlap/card kan in pe ti lai lo. UNHCR minung na si ti lai lo,” an rak ti hna.

2nk hi i thim hna usih law a ttha deuh. Chin miphun caah cun RSD interview awnnak lam a um lo tluk si.

Mah kong cu Chin mipi sinah fianternak tuah an timhmi a si bang, fiang deuh le tling deuh in theih a duhmi cu tonnak hmun ah kal khawh i zuam hna usih.

Leave a Reply

Your email address will not be published. Required fields are marked *