23.7 C
Hakha
Thursday, June 24, 2021
- Advertisement -

Ṭial Tharmi

UNHCR Malaysia Thawngthanh: Mithar nih UNHCR Card Sok Khawh Asi

Ralzaam le ralzaam a sok liomi (refugee le asylum-seeker) hna nih atanglei langhtermi:

  • Nau chuakthar benh
  • Nupi/pasal benh
  • Chungkhar benh
  • UNHCR card/catlap thlau thawngthanh
  • Phone number le address thar pek

telh in UNHCR card/catlap sok/pek he aa pehtlaimi paohpaoh cu Nikhatni in Ningani tiang zingka 8am in zaanlei 4pm tiang UNHCR Registration Hotline (017 614 3810) chawnh khawh asi.

Phone chawnh na duh lo ahcun UNHCR website https://refugeemalaysia.org/contact/ zongah pehtlaih khawh an si.

UNHCR zungah na pekmi phone number nai tlaih ti lo ahcun atu nai tlaihmi number kha UNHCR sinah pek khawh i zuam. Phone number cu SMS in kuat khawh asi. SMS in kuat ning cu mah hi hmet law rel khawh asi. UNHCR website https://refugeemalaysia.org/contact/update-phone-number/ zongah pek khawh asi.

UNHCR nih rat nithla (appointment) an pek lo ahcun zungah kal hin hlah. Zung nih auh lo buin a kalmi paoh cu ṭinter colh nan si lai.

Ralzaam a sok bal lomi le UNHCR card/catlap a ngah bal lomi (mithar) na si ahcun mah RefugeeMalaysiaContact hi hmet law New Registration Request hmet ṭhan. Form phit awk an pek lai. Na phit dih hnu i na Submit hnu zarh/thla tlawmpal ah UNHCR nih phone chawnh lole cakuat in zung rat ni thla an chimhte lai. Mah nawl in UNHCR zung kal lo ding.

Malaysia ah Chinmi 50,000 hrawng kan um nain UNHCR card/catlap ngei 22,000 fai lawng kan si. Cucaah, mithar paoh nih ralzaam/card sok cio ulaw ṭha.

Ralzaam a sokmi paoh nan ngah dih lai ti cu kan chim kho lo. Ngah/lo cu UNHCR nih bia a khiahte ding asi, UNHCR nawl asi. Nain, kanmah tuah khawhmi sok tal hi cu sok hrim awk asi.

- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -