Malaysia _ UNHCR Malaysia nih nan sin ah theihter kan in duhmi hna a um.
Cucu atulio i ralzam data (sining) kan tawlrelnak le kan fimnak (software) in adang a tharmi (updated version) ah kan thlen lio a si. Hihi tthialnak (software hlun in a thar ah) cu hmaizarh cacawn nikhat 11 January 2021 in kan thok lai ii January thla dih hrawngah liim khawh dingin timhlamhnak kan ngei.
A biapi tukmi le rian a ngan tukmi asi caah felfai tein tuah le kanmah (UNHCR Malaysia) nih kan ngeih ciami pumpak sining (data) vialte kha tlawt tlau lo tein a ningpi in an hmunh a hau.
Hitin UNHCR Malaysia nih kan hman lio mi [ralzaam] pumpak sining fimnak [data management software] kha kan dinhter chung lai, cucaah hi kan tuah lio chung ahhin, mithar cohlannak siseh, ruahnak peknak siseh, chungkhar i benhnak siseh, tawlrel lo in kan um chung lai.
Cun, adang kan tuah khawh lo dingmi cu UNHCR catlap tibantuk a thar chuahnak zong kan tuah kho rih lai lo. UNHCR Malaysia riantuantu hna nih an si khawh chung in hi thlenremhnak kan tuah hlan ah (software hlun hrawh hlan ah) pehtlaihnak a rak kan tuahmi poahpoah cu a si khawh chungin tawlrelpiak an i zuam cuahmah.
Asinain, a dangdang kan tuah tawnmi pehtlaihnak chungin CP/GBV, RSD, hlathlainak, bawmhnak le ngandamnak pawl cu amah ningkel in kan tuahpiak ko ko hna lai.Hi rian kan ttuan chung ah ralzaam soknak a phunphun a tuahmi an um ahcun, kan rian kan liim hnu lawngah pehzulh in zohfelnak kan tuah te lai.
Hi kongah na kan theihthiamnak cung ah kan i lawm. Caan tawite chung lawng ah thawng kan in thanh hna caah kan ngaithiam u, nain hi kong ah felfai deuh in theih nan duh ahcun, kan on peng ko caah hal khawh kan si.
Siaherhnak,
CRC
