19.2 C
Hakha
Thursday, November 26, 2020

COVID-19

Vawleipumpi
60,794,981
A zawmi
Updated on November 26, 2020 9:52 am
Vawleipumpi
1,428,215
A thimi
Updated on November 26, 2020 9:52 am
Vawleipumpi
41,604,971
A dammi
Updated on November 26, 2020 9:52 am

UNHCR: Malaysia Cozah nih Tlaih Tong Refugee Pawl Tonnak Nawl a Kan Pe Lo

Advertisement

Malaysia cozah nih tlaih tong refugee le asylum-seeker pawl tonnak nawl a kan pe lo, tiah UNHCR nih a chim. Cucaah refugee le asylum-seeker pawl caah lungrethei ngai asi.

Hlan ahcun UNHCR nih thonginn ah tlaih tong refugee pawl a va ton hna i card a pek hna i a chuah tawn hna. Chinmi zong thonginn ah UNHCR nih card pek in chuahmi an rak tampi. Card a ngei cangmi zong UNHCR nih thonginn ah a ton hna i a chuah tawn hna. Nain, atu cu Malaysia cozah nih a sian ti lo.

Malaysia cozah nih “COVID-19 pulrai karh khamnak caah” tiin a cawng aa piahter i phungninglo ramdangmi tam taktak a tlaih hna. Cozah zung a simi National Human Rights Commission hmanh nih, “tlaihmi an tamtuk caah an i tet tuk i kan lungṭha lo,” ati.

Phungninglo ramdangmi pawl thlaknak thonginn (detention centre) a uktu Malaysia Lahwahkah Zung cu Reuters media nih bia a hal nain a let duh lo. Lahwahkah Zung uktu Ramchung Vuanci Zung zong a hal nain a let duh ve lo.

UNHCR nih, “2019 August thla thokin nihin tiang cozah nih tlaih tong refugee pawl tonnak nawl a kan pe ti lo,” tiah tuni ah a chim.

“Mah ruang cun tlaih tong refugee pawl cu UNHCR nih kan tong kho ti hna lo i kan chuah kho ti hna lo,” ati.

Malaysia ah phungninglo ramdangmi million tampi an um, Myanmar cozah hremnak in a zaammi Rohingya ting 1 leng zong an um ve. Malaysia cozah nih refugee a cohlang lo nain UNHCR card a ngeimi cu a tlai tuk hna lo, rianṭuannak hmun ah hmuhmi le palek ziachia he aa tongmi dah ti lo cu.

Tu kum 2020 October tiangah UNHCR nih minung 6,039 lawng asylum-seeker card/catlap kan pek khawh hna. 2019 cun 27,323 kan pek hna. Thla tampi chung rili ah danghram in an um hnu ah Malaysia an phan nain Malaysia cozah nih a tlaihmi Rohingya refugee pawl zong tonnak nawl a kan pe lo, tiah UNHCR nih a chim.

“Rohingya bantuk refugee le asylum-seeker pawl cu UNHCR lo cun tlaih ton tikah chuah khawhnak lam um lo,” tiah National Human Rights Commission zung rianṭuan Jerald Joseph nih a chim.

“Phungninglo ramdangmi thlaknak thonginn ah asylum-seeker 1,000 hrawng thlak an tong ve. An thlak hna nak thonginn hi minung 12,500 caah sakmi asi nain 16,600 leng an um cang i an i tet tuk. Adang pawl cu an ram ah kuat timhmi asylum-seeker/refugee si lomi phungninglo ramdangmi an si hna,” ati.

Phungninglo ramdangmi thlaknak thonginn 5 ah COVID-19 mizaw 1,000 leng an hmuh cang hna.

Nuhrin Covo aupi tu le thongthlak tongmi pawl nih “phungninglo ramdangmi thonginn cu fihnung bak si, minung umnak ding asi lo” tiah an chim lengmang.

Kan hnu thla zongah, “cuka i thongtla pawl cu saram bantukin a kan tuahto, COVID-19 mizaw an hmuh hnu lebang cun thongtla pawl cu a kan pumh i rungrul thahnak sii in a kan kah tiah Indonesia pa nih a chim,” tiah Indonesia Rianṭuan Bawmtu Zung nih a rak chim.

Malaysia ahhin Laimi bantukin phungninglo in a ra i cozah nawlpeknak tel loin aa hlawhfa mi Indonesia rammi an tampi ve, nain annih cu refugee an sok lo.

January ah thlahmi Indonesia thongtla hlun nu zong nih, “khaan pakhat ah minung a zaza bak tet taktak in a kan pon. Tar, mizaw, naupawi le ngakchia zong a kan pon ṭi dih. Rawl zong ṭhaṭhi a kan pe lo, thonginn zohkhenhtu nih a kan tukvelh peng fawn,” tiah a chim.

“Ramdangmi thonginn ah thongthlakmi cu minung a si lomi bantukin a kan tuah ko hen cu,” ati.

Malaysia cozah zong nih, ramdangmi thonginn boruak a chiat tukmi le remh a herhnak kong cu liamcia caan ah a rak chim bal nain a tuah taktak lo. — Reuters

Kan Bawm Ve

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si. Lunglawmh thawngthanhnak caah na min le hmanthlak na kan kuat khawh cun kan i lawm chinchin ko hnga.

Email Kan Kua

Na email kan kua law, ni fatin thawngpang thar kan in kuat lai

Email Kan Kua

Na email kan kua law, ni fatin thawngpang thar kan in kuat lai

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Update: Zar Nyi nih Chin Mipi Tangka Ting 200 Leng a Fir

"Kan Lai pa Zar Nyi nih CNI Lucky Draw a tuah i Chin mipi tangka ting 100 leng a hlen hna" tiin nizaan ah...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Update: Zar Nyi nih Chin Mipi Tangka Ting 200 Leng a Fir

"Kan Lai pa Zar Nyi nih CNI Lucky Draw a tuah i Chin mipi tangka ting 100 leng a hlen hna" tiin nizaan ah...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

COVID-19

Vawleipumpi
60,794,981
A zawmi
Updated on November 26, 2020 9:52 am
Vawleipumpi
1,428,215
A thimi
Updated on November 26, 2020 9:52 am
Vawleipumpi
41,604,971
A dammi
Updated on November 26, 2020 9:52 am
- Advertisement -