16.8 C
Hakha
Wednesday, June 23, 2021
- Advertisement -

Ṭial Tharmi

UNHCR le ICC Meeting Thawngthanh

Independent Chin Communities (ICC) tiin auhmi Malaysia Chin ralzaam bu 5 (ACR, CRC, FRO, ZAM le Dai) le UNHCR Malaysia lutlai Mr. Thomas cu nizaan August 14 ah meeting an tuah. UNHCR lutlai nih a chimhmi hna cu atanglei hna hi an si.

Tlaihkhih kong

UNHCR catlap a ngei ko nain tlaih a tongmi le thongthlakmi an umnak kong, thongtla le camp ah chiahmi ralzaam pawl thakpherh an ngeihmi kong cu Chin ralzaam upa pawl nih an chimh i Mr. Thomas nih, “Malaysia cozah nih COVID-19 zulhphung a tuahmi buar ruangah tlaihmi pawl cu zeihmanh kan bawm kho hna lo, upadi a buar lo nain tlaih a tongmi pawl cu UNHCR nih kan si khawh chungin bawmh kan i zuam ko hna lai,” tiah a leh hna.

“Cun, August 27 ah Malaysia cozah le UNHCR meeting kan ngei lai. Mah tikah tlaihkhih kong zong kan chimh hna lai. Thongtla pawl thakpherh zawtnak an i chawnhmi kong zong cu nuhrin covo bu SUAKAM nih Malaysia Hluttaw ah an chim cuahmah ko,” ati.

UNHCR Card le Caltap Tat-ṭan ṭu kong

Atu hi a card le catlap tat-ṭan a dihmi cheuthum-cheuhnih cu kan ṭu piak cang hna. A taangmi zong a ran khawh chungin ṭu piak kan i zuam cuahmah. COVID-19 ruangah minung tampi auh awk an ṭhat lo caah a rauh khunnak si, tiah Mr. Thomas nih a chim.

Cun, Malaysia cozah nih Khrihfa pawl pumhnak nawl a pekmi hna cu a rammi lawng an si. Ramdangmi an i tel lo, kanmah UNHCR rianṭuan pawl hmanh biakinn chung luhnak nawl a kan pe lo, ati.

Damlo Ruangah UNHCR Bawmhhalnak

Na zawt i bawmh hau dirhmun na si ahcun UNHCR he aa bawmmi Tzu Chi le ACTS sekhan pawl ah vai piah law anmah nih a herhmi ca an in ṭialpiak lai, tiah Mr. Thomas nih a chim.

Fale Benhnak Kong

Nau chuakthar benh hi UNHCR nih usa kan pek liopi asi. Sekhan ah kalpi lengmang an hauh ruangah UNHCR card pek dingin usa kan pekmi hna asi. Nain cozah rikhiahmi ruangah ni 1 minung 60 lawng benh dingin UNHCR zungah kan auh hna, ati.

Ram thumnak kal kong

Tu kum 2020 dongh tiangah ralzaam 2,000 hrawng lawng ram thumnak kan kuat khawh hna lai. Liamcia caan ahcun kum 1 ah 5,000 leng peng kan kuat khawh hna nain tu kum cu COVID-19 ruangah ralzaam 2,000 hrawng lawng kan kuat khawh hna lai, ati.

2013 Card le Catlap aa tlaihmi nuva benh kong

Card le catlap chuh cangmi cu zeihmanh kan in tuahpiak kho ti hna lo. Nain nuva asi i minung pakhat lawng chuh a tongmi cu a ngei rihmi nih benh khawh asi, tiah thawngpang ṭha a kan chimh.

Upatnak he,
Independent Chin Communities (ICC):

  1. Alliance of Chin Refugees (ACR)
  2. Chin Refugee Committee (CRC)
  3. Falam Refugee Organization (FRO)
  4. Zomi Association of Malaysia (ZAM)
  5. Dai Community in Malaysia

Kan ca hi website dangah copy piak lo dingin kan in nawl hna. Na duh cun SHARE khawh asi.

- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -