UNHCR Card Loin Sizung ah Fa Ngeimi Chin Nu Malaysia nih a Tlaih

- Advertisement -

Malaysia um Chin nu cu fa a ngeihnak nganfah hmanh a dam hlan ah cozah nih a tlaih i Myanmar ram ah kuat dingin bia a khiah.

UNHCR card a ngei lomi kum tlinglo Chin refugee nu cu kan hnu zarh ah fa ngei dingin Seremban Sizung ah a lut.

Kum tlinglo asi caah bawmh a herh tiin, fa a ngeih cangka in sizung nih Zatlang Zohkhenhnak Cozah Zung (JKSP) ah a kuat.

UNHCR card a ngeih lo caah “phungninglo ramdangmi (illegal immigrant) asi” tiin JKSP nih Lahwahkah/immigration a tlaihter hna. JKSP le Lahwahkah nih biaceihzung ah taza an cuai.

Tu zingka ah biaceihzung nih “Myanmar ram ah kuat dingin” bia a khiah.

Chin nu cu kum 15 hrawng te lawng asi. Mindat peng asi tiah kan theih.

Atu cu Myanmar ah kuat dingin Lahwahkah nih a tlaih i zung ah a hren lio asi.

Alliance of Chin Refugees (ACR) Chairman James Bawi Thang Bik nih, “UNHCR ruang bakah asi,” tiah a chim.

“Sizung ah fa ngei ding asi lio tein, a rannak in card pe uh tiin UNHCR sinah bawmh ka halpiak cang. UNHCR nih card pek colh loin a vel in a vel ruangah hi tluk ngaihchia dirhmun a phaknak hi si.

“Sizung rianṭuan pawl zong nih UNHCR nih card pe seh tiin an chimrel len ko. UNHCR nih card rak pe colh sehlaw atu bantukin tlaih le tazacuai le Kawlram kuat ding dirhmun hi a tong lai lo.

“Na mithlam cuanter hmanh, a hrin kami bawhte he lahwahkah thong (camp) ah zei tluk in dah a tuar lai? Hell tlak bantuk asi ko lai.

“UNHCR thawng ka thanh ṭhan i tunai khan UNHCR nih an ka chawnh. Lahwahkah Zung (Immigration Office) chawn zokzok uh ka ti hna.

“Atu cu lahwahkah zung ah an chiah lio asi. Thong (camp) ah an ṭhial hnu ahcun UNHCR nih a chuah kho ti lai lo. Atu cu chuahnak caan tlawmte a um rih. An chuah khawhte ko men lai,” tiah a chim.

Follow US

102,149FansLike
53FollowersFollow
731SubscribersSubscribe

Ṭial Tharmi

Hakha University ah ni 14 chung khumherhmi minung 12 cu an ttinter cang hna

Chin state Covid-19 dohnak bu hruainak in Hakha khua chungah a rak lutmi paoh cu Hakha University ah ni 14 chung khumherh...

Malaysia biaceih zung nih kum 5 a fa pate a that tu nu le a tlangval pa thihdan a pek hna

Tuni ah Penang High Court nih kum 5 a fa pate a rak thattu hringtu nu le a tlangval pa cu hri...

Myanmar National Team ah ai tel mi Valte

Valte hi Kalymyo um Falam mi a si. 2010 kum ah Kalaymyo certual ah kan i hmu. Cu...

Thantlang ah bomb a puak

Thantlang khua, No (1) sang i sizung lam ah a ummi U Kyaw Min Htet a umnak inn ah September 20 zaan...
- Advertisement -