UNHCR card le catlap a ngei lomi nih kahin UNHCR sinah min pek (appointment sok) khawh asi cang

- Advertisement -

Update: 2013 pawl cu rak tuah hlah ulaw… tiah UNHCR nih ati.

Kuala Lumpur — “UNHCR card le catlap a ngei lomi nih December 2 thokin UNHCR website ah min pek i UNHCR officer ton dingin nicaan (appointment) hal khawh asi cang…” tiah UNHCR nih Malaysia um ralzaam community vialte sinah thawng a thanh.

“Mah hi a biapit tuk caah zaangfah tein nan community member vialte sinah nan thiam ning paoh in thawng rak thanh cio hna uh,” tiah UNHCR nih a fial hna.

UNHCR website thar https://www.refugee-malaysia.org/?page_id=302 hi hmet law min peknak (appointment soknak) form ah an kalpi lai. Atang hmanthlak bantuk hi asi lai i;

  • Na min
  • Gmail le phone number na ṭial lai i “Contact Preference” timi ah Phone na thim piak lai
  • Asen in kan khulhmi zawn ahhin “Request a Registration Appointment” timi na thim lai
  • “Does this concern a person who is already registered with UNHCR?” timi ahhin “No” na thim lai.

“Date of Birth” ah na chuah nithla le kum na ṭial lai. “Country of Origin” ah Myanmar na ṭial lai. “Ethnicity” ah Chin na ṭial lai. “Religion” ah Christian na ṭial lai. “Date of Arrival in Malaysia” ah Malaysia na phak nithla le kum na ṭial lai.

“Number of Additional Family Members to be registered” timi ahhin minung 1 benh na duh ahcun 1 na ṭial lai i atang ah a min le konglam ṭialnak a hung chuak lai.

A herhmi vialte na phit dih hnu ah atang bikah “Send” timi na hmeh lai i UNHCR sin a phan lai. Mah hnu ah UNHCR nih phone an in chawnhte lai i rat nithla le caan (appointment) an in chimhte lai.

Minung tam tuk nih an sok cio caah na “send/kuat” cangka in an in leh lo zongah lungsau tein hngak ko.

An in leh lo tikah, a thar in kua nolh ti hlah. Kuat hmasa mi kha UNHCR nih a check hmasa caah a check a tlai chin lengmang lai i an in chawnh a tlai chin lengmang lai.

Acunglei kan ṭialmi hi nai fian lo ahcun, atang ah VIDEO in zoh khawh asi.

Theih hrimhrim ding

Acunglei kan ṭialmi hi UNHCR card lole UNHCR catlap a ngei lomi ca lawng asi. UNHCR card/catlap a ngei lomi pawl cu appointment ngeih lo ahcun UNHCR zung luh khawh asi lo caah appointment sok a hau. Acunglei hi appointment sok ning cu asi.

Apointment na ngeih lo ahcun UNHCR zungah kal hlah. An in luhter lai lo i na caan paam men. Acunglei kan tial ning tu in appointment sok hmasa.

UNHCR nih appointment an pek hnu ah an auh hna lai i mah tik cun card/catlap pek/lo cu a fiang te lai.

Thaizing zaanlei 4pm ah Chin ralzaam bu hruaitu (CRC, ACR, FRO, tbk.,) pawl nih UNHCR Malaysia lutlai Mr. Thomas an ton lai i fiang deuh le tlamtling deuh in an hal chap te lai. Thawngpang thar silole aa thlengmi a um cun kan rak thanh ṭhan ve te lai.

UNHCR card le catlap a ngeimi cu appointment nan ngeih lo zongah;

  • Fa thar benh ding,
  • UNHCR card/catlap na thlaumi thawngthanh ding le
  • UNHCR card/catlap tat-ṭan ṭu dingin UNHCR zungah kal khawh na si. An in luhter ko lai.

Sawmnak: UNHCR card le catlap a ngei lomi nan theihmi paoh mah ca hi rak kua cio hna uh. Nan khua biaruahnak zongah rak kua cio uh.

Atanglei hi na rel cang maw?

UNHCR nih mithar lak a timh, nain hlan bantuk si lai lo caah ngah har tuk lai – posted on October 28, 2019

Thawngpang chia: US Kalnak OPE/RSC Interview a um ti lo

Malaysia cozah nih Ralzaam pawl rianttuannak nawl pek/lo December thla ah bia a khiah lai

Follow US

102,157FansLike
53FollowersFollow
734SubscribersSubscribe

Ṭial Tharmi

Emma Stone nih a tlangval pa a vat

American actress minthang Emma Stone cu a tlangval pa Dave McCary he tthitumnak an tuah cang. Emma Stone, kum...

Malaysia ah Covid-19 mizaw thar 150 bak an hmuhchap tthan

Tuni September 27 ah Malaysia ram ah Covid-19 zawtnak ngeimi 150 an hmuhchap hna i zawtnak ngei hmuhmi dihlak 10,919 an si...

Australia ah Lai Kum Thar hlunghlai takin an tuah lai

Australia ram, Western Australia state ah Lai Kum Thar 'Tho puai' cu a ra laimi October 3, 2020 ah hlunghlai takin tuah...

COVID-19 Phihkhamnak ah Melbourne Khualipi Chung Thawngpang Thar

27 September - Tu zaan sml 11:59pm thawk in Melbourne khualipi cu ni 14 chung zawtnak thar hmuhmi 30-50 karlak a si...
- Advertisement -