15.6 C
Hakha
Sunday, June 20, 2021
- Advertisement -

Ṭial Tharmi

UNHCR Card aa Tlaihmi Pawl Ramthumnak Kalter Hna Dingin UNHCR le ASEAN i Bawm Usih – Malaysia

Malaysia cozah nih, UNHCR card aa tlaihmi ralzaam pawl hi ramthumnak kalter hna dingin ASEAN le UNHCR i bawm usih, tiah a chim.

Rakhine state thil cangmi nih ASEAN ram vialte harnak a kan pek dih, ati.

Malaysia cozah hruaitu Prime Minister Pu Muhyiddin Yassin nih, “Rakhine state caah aphi ṭha kawl dingin ASEAN ram pawl nih zei dah kan tuah? Myanmar bawmh dingin ASEAN kan cawlcangh deuh a herh. Mah buainak hi donghter dingin Myanmar zong aa zuam deuh a herh,” tiah a chim.

Nizaan ah tuahmi 36nk ASEAN Meeting ah atu bantukin Malaysia cozah nih a chim hi si. Meeting cu COVID-19 ruangah Vietnam hruainak in online in an tuah hna.

Nichuahthlanglei Asia Ram Pawl i Funtomnak Bu (ASEAN) ahcun;

  1. Indonesia
  2. Thailand
  3. Vietnam
  4. Singapore
  5. Malaysia
  6. Philippines
  7. Cambodia
  8. Myanmar
  9. Laos le
  10. Brunei ram pawl an i tel.

Pu Yassin nih, “COVID-19 pulrai ruangah kan ngeihchiah le kan thazaang a der chin, cucaah Malaysia nih ralzaam kan la kho chap ti lo,” tiah a chim.

“Malaysia cu kum 1951 Ralzaam Sachoh le 1967 Ralzaam Dirhmun Phungphai zongah lungtlingnak min a thu lomi kan si nain, Myanmar in a rami Rohingya refugee le refugee dang pawl an herhmi kan bawmh peng hna.”

“Nain hihi pehzulh peng awk a ṭha lo.”

“Rohingya pawl hitin vansang in an um peng ahcun ralhrang zongah an lut kho. COVID-19 ruangah ralhrang pawl cawl loin an ummi hi hnangam awk kan ṭha lo, ASEAN ram vialte caah ṭihnung tuk an si,” ati. — Bernama

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -