16.3 C
Hakha
Sunday, August 1, 2021
- Advertisement -

Ṭial Tharmi

UNHCR: Canada ummi nih tangka in Malaysia le India ummi laknak kong

Canada ram ummi nih tangka in Malaysia le India um refugee lak khawh asi, ti cu a thei cangmi kan tampi lai tiah kan zumh.

Mah kong he pehtlai in UNHCR Malaysia nih thawng a thanhmi cu: “Canada ummi minung 5 i bawm in tangka in refugee laknak a tuahmi pawl nih ‘kan lakmi minung hi refugee asi taktak ko timi tatte ca kan ṭialpiak‘ tiin UNHCR Malaysia nan kan fial lengmang.

“UNHCR nih tatte ca kan ṭial lo tiah theihter kan in duh hna. Tatte ca a hau lo, nan lakmi minung refugee an si tak/lo cu Canada cozah nih amah tein UNHCR sinah hal dingin January 2020 ahkhan Canada cozah le UNHCR lungtlinnak kan ngei cang.

UNHCR thawngthanh

“Cucaah, nan lakmi minung an UNHCR card silole catlap kha copy ulaw kua ko uh,” ati.

Canada cu refugee ah cohlanmi lawng lak khawh asi. Refugee ah cohlan rih lomi Asylum Seeker le CRC card aa tlaihmi pawl cu auh khawh an si lo.

Malaysia dirhmun in chim ahcun, 2013 Asylum Seeker catlap pawl lak khawh an si lo. Refugee ah cohlan cangmi asi ko nain card thlau ruangah catlap pekmi (catlap aa tlaihmi) pawl cu auh khawh an si.

Canada ummi nih tangka tlawmte in Malaysia le India um Chin refugee lak khawh asi

Canada ummi nih tangka in Malaysia le India ummi nan chungkhat silole hawikom, khuami lak nan duh ahcun minung 5 nan i bawmh hau. Hahaa, na mit au dan pi cu aa …. arti tia bak si ko, lau hlah. Latu a rethei tuk sual lai ti a phan caah cozah nih minung 5 a tinak si. Minung 5 an i bawmh ahcun minung 1 nih tangka tlawmte cio lawng an dih lai i hohmanh an rethei lai lo, ti kha cozah nih a ruah caah si.

Kan lakmi minung hi kum 1 (thla 12) chung kan zohkhenh lai tiin minthut le zohkhenhnak aamahkhan tangka piah a hau. Hi cu Australia in tangka (CSP) in aa lami zong nih an tuah ciomi si, tangka in aa lami paoh nih punghman in tuahmi si ko.

Canada ummi nih Malaysia silole India ummi minung 1 laknak caah tangka $16,500 (Malaysia tangka thong 55) a dih. Minung 5 i bawmh si caah minung 1 nih $4,000 cio lawng chuah a hau (Canadian dollar asi, US dollar si lo).

Australia in cun minung 1 laknak caah Australian dollar 33,000 (Malaysia tangka ting 1 le thong 5) a dih — Canada in lak man a fawi deuh tuk ning.

Nuva (minung 2) laknak caah cun $24,800 (Malaysia tangka 82,000) lawng a dih. Australia in minung 2 laknak caah cun $43,000 leng (Malaysia ting 1 le thong 35 leng) bak a dih. Phun dangin chim ahcun, Australia in minung 2 laknak tangka nih Canada in minung 7 chungkhar pakhat a lak khawh hna.

Canada in laknak caah a dihmi tangka zat cu atang hmanthlak ah ka tarmi hi si, 2021 ta asi.

Canada in Malaysia le India um Chin refugee laknak caah a dihmi tangka zat, 2021 – Source: Canada cozah

Ramdangmi cu Canada in tangka in aa lami an tam ngai. Chinmi balte hi Canada ah ummi kan tlawm tuk caah maw si hnga, aa lami kan um huaha lo.

A dihmi tangka hi zoh tikah, rian niam bik a simi sehzung rian a ṭuanmi minung 5 hmanh nih fawi tein laknak tuah khawh asi.

Canada cozah nih tangka tlawmte in refugee laknak a tuahmi hi refugee bawmtu bu pawl nih an thangṭhat tuk. “Australia cozah nih tangka in refugee laknak (CSP) na tuahmi hi cu a man fak tuk, Canada bantukin man fawi deuh in tuah ve ….” tiah Refugee Council of Australia nih Australia cozah a forhfial ve lengmang.

Theihternak: Nan siaherhmi hrawm cio hna u, thil ṭha cu hrawmh cio phung asi. Website ngei pawl nih nan website ah i tlen hlah u, tiah kan in nawl hna.

- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -