UN Security Council nih Myanmar kong lakhruak meeting a tuah ṭhan lai

- Advertisement -

Zarhteni le Zarhpini ah Myanmar ralkap nih sandahpiahtu mipi a zaza a thah ṭhan hna caah, Britain cozah nih thaizing (Nithumni) ah UN Security Council lakhruak meeting a auh.

Thaizing cu UN Security Council (UNSC) member ram 15 nih media luhter lo kutka kharkhumh in Myanmar kong meeting an tuah lai.

Myanmar kong UN thawnglatu Christine Schraner Burgener nih meeting thokka ah Myanmar boruak kong a chim lai i zeitin dah kan tuah lai timi an ceih lai.

Meeting dih tikah, Myanmar ralkap cozah cungah fak piin hma lak dingin UNSC member ram 15 an lungtling te lai maw ti cu hngalh asi rih lo. China le Russia nih Myanmar ralkap an humzual peng caah ruahchannak a tlawm ngai.

March 10 ah, UNSC nih ‘Myanmar ralkap nih nu le ngakchia telh in sandahpiahtu pawl harnak na pekmi hna hi kan cohlang hrimhrim lo, mipi harnak pek i sum’ tiin cathanh a rak chuah.

Nain;

  1. ‘Myanmar ralkap nih hramhram in uknak na chuhmi hi kan cohlang lo’ timi le
  2. ‘Sandahpiahtu na thah rih hna ahcun ramkip nih sipuaizi kan in phih lai’ timi cu China, Russia, India le Vietnam nih an duhlo caah UNSC nih cathanh ah a telh kho lo.

Mah 2 hi thaizing meeting zongah an lungtling hlei lai lo tiah zumh asi.

February 4 ah, UNSC nih “Myanmar ralkap nih hramhram in uknak na chuhmi hi kan lungṭha lo tuk, Aung San Suu Kyi telh in na tlaihmi vialte thlah dih hna” tiin cathanh a rak chuah nain “kan cohlang lo, mipi thimmi cozah sinah uknak pe ṭhan” ti cu a telh lo.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...