15.1 C
Hakha
Monday, June 21, 2021
- Advertisement -

Ṭial Tharmi

UN: North Korea ram ah rawl ei awk a har

Tu kum hi liamcia kum 5 chungah North Korea kumvui a chiat bik si, mah ruang cun rammi acheu dengmang (40%) cu rawl ei awk an har taktak lai, tiah UN nih thawng a thanh.

Ruahpi a sur lo tuk ruang le lo tilak an chiat tuk ruangah North Korea kumvui a chiatnak si.

Nuclear hriamnam ser in US a tlerh ruangah US nih chawlehnak vialte a phihpiak dih ca zongah an ram a sifak tuk cia. Harnak 2 aa buathua i an chaihma ngai lai.

UN Rawl le Cinthlaknak Bu (UN-FAO) nih, “North Korea nih an cin bikmi facang le fangvoi kumvui a chiat tuk ruangah rammi ting 100 le ting 1 (10.1 million) cu a rannak in bawmh an herh,” tiah vawleipi sinah a thanh.

North Korea rammi cu rawl an i za huaha bal lo, cozah nih rawl a pek hna ning zong sifak caah a ttha lo ngai. Liamcia thla tlawmpal ah cozah media nih “khua a khen (ruahpi sur loin saupi um) kho, voi dang he nikhua sining aa lolo,” tiah ralrin peknak thawng a rak thanh.

Mah lak cun May thla ahkhan an ram vok 1 ah ‘Africa vok zawtnak hrik’ an hmuh caah pawcawmnak caah vok a zuami pawl zong lungrethei taktak in an um.

Mah zawtnak cu minung caah ttihnung lo nain vok caah thihnak a chuahpi khawh. China, Vietnam, Cambodia, Laos, Thailand, Japan le Myanmar ah vok thong tampi a thah cang hna.

Ni kum zong kha liamcia kum 10 chungah North Korea kumvui a chiat bik si hoi. An ram khua a khen caah le thlichia le tilian nih a den caah kumvui a chiatnak a rak si, tiah UN nih a chim.

Innpa a simi South Korea nih, “UN World Food Program (WFP) sin in facang 50,000 tons kan in bawmh hna lai,” tiah North Korea cu bia a tiam.

Nain, an ram 2 kar ‘kik hret lo lum hret lo’ ramkhel pehtlaihnak ruangah atutiang bawmhnak facang cu an kua kho hna lo.

July thla ah North Korea cozah media KCNA nih, “khuakhen puicim kan hrial khawhnak hnga, minung le seh thazaang hmang in tilak le tidil kan cawh lai i ti pep in ti kan lak lai,” ti tiangin rammi thawng a rak thanh hna.

Nain, North Korea nih “UN bawmhnak hi a kan huatu ram pawl nih ramkhel hriamnam ah an i hman lai caah kan ram ah bawmhnak a rak petu UN rianttuan milu tthum deuh,” tiah UN cu a chimh caah bawmh an har deuh ngai lai.

North Korea ram hmun cheukhat ahcun mangttam zong a tlung lengmang. Thil theimi nih, kum 1990 lio North Korea ram pumpi mangttam nih khan minung ting 10 hrawng a thah hna, tiah an chim.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -