14.7 C
Hakha
Wednesday, October 20, 2021
- Advertisement -

Ṭial Tharmi

UN nih Myanmar ralkap cu ‘sandahpiahtu that ti hna hlah’ ati

Myanmar ralkap nih February 1 ah uknak a fir hnu in duhlonak langhtertu mipi 54 leng a thah cang hna, adang 1,700 leng a tlaih cang hna.

UN nuhrin covo lutlai Pi Michelle Bachelet nih, “sandahpiahtu pawl thahnawn hi ngol cang,” tiin Myanmar ralkap cu a fial.

Pi Michelle Bachelet, kum 69 cu Chile ram president hlun le atu lio United Nations Human Rights lutlai asi.

Nithumni ahkhan ralkap le palek nih sandahpiahtu mipi meithal in an kah hna caah a tlawmbik minung 38 an thi. Zarhpini zongah 18 leng an thi.

Mah hnu ah atu bantukin UN nuhrin covo lutlai nih “sandahpiahtu that ti hna hlah” ati hi si.

“Buai lo tein sandahpiahtu pawl Myanmar ralkap nih thahnawn dingin an ṭhencheumi hna hi an ngol hrimhrim a herh.

“Myanmar ralkap nih sandahpiahtu mipi thahnawn le thongthlak hi a ngol hrimhrim a herh.

“Buai lo tein sahdahpiahtu mipi meithal kuan taktak in an kahmi hna hi cu fihnung chiahru taktak asi.

“Ralkap le palek nih an kahmi sandahpiahtu pawl an hma thloptu sii lei rianṭuan pawl hna an tukvelhmi hna hi cu tuksapur taktak asi.

“UN nuhrin covo zung nih a thimi kan fehter khawhmi hi minung 54 an si cang. Mah nak zongin an tam deuh kho men. Atutiang kan hngalh khawh tawk ahcun a thimi pawl cu Yangon, Mandalay, Sagaing, Magway le Mon ah an si.

“Hliam tongmi cazin cu khawmhsuat a har tuk. Kan theih khawh tawk ah hliam tongmi a zaza an si cang.

“Cun, upadi a buar lomi le sualnak a ngei lomi buai lo tein sahdahpiahtu mipi 1,700 leng an tlaih cang hna.

“Nithumni lawngah minung 700 leng an tlaih hna. Tam deuh cu ralkap nih an inn bakah an va luhhnawh hna i an tlaih hna. An tlaihmi pawl cu ramkhel le nuhrin covo dirkamhtu, thimnak zung rianṭuan, sianginn cachim, ngandamnak rianṭuan, thawngla le phungki pawl an si.

“Media rianṭuan pawl an tlaihmi hna hrim hi thinphang tuk asi. Thawngla 29 leng an tlaih cang hna. 8 cu ‘cozah huatnak ca na ṭial, cozah nawlpeknak tel loin sahdahpiah nai thawh’ tbk. lih hrokhrawl in case an tuahpiak hna i taza an cuai cang hna.

“Atu he liamcia caan he nuhrin covo an buarmi ruangah ramdang nih Myanmar ralbawi pawl an tuhmi theipar zunter dingin kan i zuam cuahmahmi hi thil sining fiangfai tein a hngalmi le thil ti kho min ngei a simi paoh nih kan bawm cio uh tiah kan sawm hna.

“Atu hi Myanmar ralbawi pawl biaceih in Myanmar democracy a hrom an dihmi donghter caan asi cang,” ati.

Charhchan: AP le Reuters

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -