16.3 C
Hakha
Sunday, August 1, 2021
- Advertisement -

Ṭial Tharmi

UN: COVID-19 Kakuaisi Chunhnak caah Syringe 1 Billion Ka Khon Lai

United Nations (UN) nih COVID-19 kakuaisi an ser khawh tik hman awk ah vawlei ramkip UN kudawng pawl ah syringe ting thong 10 (1 billion) ka khon lai, tiah a thanh.

UN nih ngakchia bawmhnak caah a dirhmi bu Unicef nih, “ramkip nih COVID-19 kakuaisi chunhnak an ngeih cio nak hnga, tu kum dongh ahcun kan kudawng ah syringe ting thong 2 le ting 200 kan khon lai,” ati.

“Kakuaisi a herh zat in syringe a herh ve lai.

“Cucaah syringe chiahnak caah kuang ting 500 zong kan cawk cang,” ati.

Vawleipumpi ah COVID-19 zawtnak aa chawnmi dihlak ting 410 (41 million) leng an si cang. Mah chungah ting 11 (1.1 million) leng an thi cang.

“Vawlei cung mi vialte COVID-19 kakuaisi chunh dih hi minung tuanbia ah rian nganbik asi lai, cucaah kakuaisi an chuah chom in rang taktak in chunh thluahmah an hau lai,” tiah Unicef lutlai Henrietta Fore nih a chim.

“Tu kum dongh ahcun rangte le man fawi tein kuat khawh ding syringe ting thong 5 leng kan ngei lai,” ati.

Syringe pawl cu ramkip COVID-19 kakuaisi ngahnak caah Vawleipumpi Ngandamnak Bu (WHO) nih a dirhmi bu Covax nih a hman hna lai.

Covax cu Gavi kakuaisi bu nih a hruai. Syringe man cu Gavi kakuaisi bu nih Unicef sinah a pek te lai.

Syringe cu ngaidem tang hrawl ah kum 5 chung chiah khawh a si caah duhsah huamsam in tilawng in an kuat tawn. Nain kakuaisi cu a linhnak ah chiah awk ṭhat lo caah vanlawng in rang deuh tein an kuat tawn.

WHO nih, “atu hi COVID-19 kakuaisi company 42 nih an kakuaisi cio cu minung sinah hneksaknak an tuah lio asi, mah lakah 10 cu step 3nak a simi a donghnak bik an hneksak lio si cang,” ati.

Cucaah, atu ning te cun tuan ah kakuaisi an ser khawh men lai ti ruahchannak a um pah.

Mah pinah, company 156 zong nih datkhuaikhan ah kakuaisi an ser cuahmah liopi si i minung sinah hneksak dingin an timh cuahmah hna lio asi ve.

Liamcia caan i zawtnak dang ca’h kakuaisi an rak ser tawnmi zoh tikah, kakuaisi a sermi company vialte lakah cheuhra cheukhat (10%) hrawng lawng hi an awngmin tawn.

- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -