10.9 C
Hakha
Thursday, February 25, 2021

COVID-19

Vawleipumpi
113,215,812
A zawmi
Updated on February 25, 2021 3:08 pm
Vawleipumpi
2,511,146
A thimi
Updated on February 25, 2021 3:08 pm
Vawleipumpi
88,785,043
A dammi
Updated on February 25, 2021 3:08 pm

UK palek: Truck chungah miruak 39 kan hmuhmi cu China rammi an si

Advertisement

UK palek nih, “London khuapi pawng thil phorhnak mawtaw truck nih a phorhmi ti-khalternak kuang nganpi (refrigerated container) chungah miruak 39 kan hmuhmi cu China rammi an si,” tiah tuni ah thawng an thanh.

Tutan hi liamcia kum 10 chung UK ram chung lainawnnak vialte lakah a nganbik, a chiahru bik asi.

Tuksapur thil cu emergency rianttuan pawl nih Nithumni zingka ah London khuapi in meng 20 hrawng aa hlatnak Grays khua ah a dirmi truck chungah an hmuh. Ti-khalternak kuang nganpi cu Belgium ram in tilawng in Britain rili kam tiang an phorh hnu ah kum 25 Northern Ireland pa nih truck in Grays khua tiang a phorh.

Container cu Belgium ram in Britain ah tilawng in an kuat. Truck cu Ireland ram in Britain ah tilawng in an kuat ve. Mah hnu ah truck in container cu an va lak i Grays khua ah an tlaih hi si.

Mah thawngpang nih Britain ram pumpi khuaruahhar le lau lengmang in a chiah. Cozah hruaitu Prime Minister Boris Johnson nih, “ruah phak khawh lo tuksapur” ti tiangin a auh.

Truck mongtu pa cu palek sakhan ah bia an hal lio asi. “Mipa cu lainawn lunghrinh case in kan tlaih i sakhan ah kan hren lio asi,” tiah palek nih an chim.

Miruak 39 chungah 8 cu nu an si i 31 cu pa an si, tiah pengkulh palek nih an chim.

“An dihlak in China rammi an si tiin kan zumh,” tiah Essex pengkulh palek nih a thanh. Grays khua cu Essex pengah a ummi si.

China Ramdang Vuanci Zung nih, “thil sining fiang tein hlat dingin London um kan tanzung rianttuan pawl cu a hmun ah an kal lio si,” tiah a thanh.

Miruak 39 cu puaisa (phungninglo in minung phortu misual bu) pawl nih tangka an lak hna i phungninglo in Britain ah luhpi an timhmi hna an si.

Essex palek nih, “an thihnak aruang cu ruak checktu nih an check dih hnu ah an fehter te lai, mah hnu lawng ah palek nih miruak pakhat cio an min le an konglam hlat kan thok khawh te lai,” tiah an chim.

“Hihi case ngan tuk asi caah zei tiang dah kan rauh lai ti kan chim kho rih lo. Lahwahkah le National Crime Agency (NCA) he misual puaisa pawl kong cu kan hlat cuahmah lio asi,” an ti.

Container cu Belgium ram i Zeerugge tilawng dinhnak in tilawng nih siumilaam 12 chung a phorh i Essex peng i Purfleet tilawng dinhnak ah Nithumni 12:30am hrawngah a thumh.

Suimilaam 1 le cheu hnu ah container cu Northern Ireland pa nih truck in a phorh. 1:40am hrawngah Grays khua um Waterglade Industrial Park ah phone in emergency riantuan pawl an auh hna i truck nih a phorhmi container chungah miruak 39 an hmuh hi si.

Belgium cozah zong nih mah kong cu a hlat ve i tuni ah, “container cu Zeebrugge tilawng dinhnak in an phorh. Minung 39 hi zeitik ah dah container chungah an rawn hna ti balte cu kan hngal rih lo,” tiah a thanh ve.

Belgium ram in tilawng in an kuatmi container phorhnak caah an hmanmi truck cu 2017 ah Ireland rammi pakhat nih Bulgaria ram ah license a tuahmi asi.

Essex palek nih, “truck cu Ireland khualipi Dublin in tilawng in an phorh i Zarhpini ah Britain’s Welsh i Holyhead tilawng dinhnak ah an tthumh,” tiah an chim. — AFP

- Advertisement -

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

Ṭial Tharmi

Ṭial Tharmi

COVID-19

Vawleipumpi
113,215,812
A zawmi
Updated on February 25, 2021 3:08 pm
Vawleipumpi
2,511,146
A thimi
Updated on February 25, 2021 3:08 pm
Vawleipumpi
88,785,043
A dammi
Updated on February 25, 2021 3:08 pm
- Advertisement -