AMERICA _ Donald Trump nih hram a ngei lomi thimnak firnak kong kha a tial lengmang ti a si caah an hlohpiakmi a si.

Donald Trump nih 2020 US thimnak phichuak a cohlan khawh lo caah a phunphun biaraldohnak kha social media ah a ngei tawn.

Atu cu thimnak phichuak donghnak bik bia khiah khawh nakding ah Congress nih electoral vote a rel cuahmah lio a si.

Cu lioah Trump dirkamhtu nih US Capitol, Congress an i tonnak, le phunghram sertu a minung tiang kha buainak an pek hna.

Buainak faak a um nakhnga lo tiah Tweeter i a video tholhmi le ‘likes’ pawl cu an hlohpiak diam. Washington D.C., buainak linhsatter chinchintu a si sual lai an phan caah tuahmi a si an ti.

Cucaah, @realDonaldTrump timi kha suimilam 12 chung cawlcang kho loin an tuah, an hloh chung. Cu lawng hmanh si loin Tweeter zulhphung a buar tthan a si cun Trump account hloh thai a si lai an ti.

Facebook le You-tube zong nih an rak laak chinmi video kha an hloh ve. Facebook zohkhentu i an vice president zong nih a cang cuahmahmi buainak hrialnak caah tuah a herhmi a si ko a ti.