Tuzaan Myanmar Idol top 10 zuamnak ah Benjamin Sum nih biakhiaktu pawl thinlung a lakbik.

Myanmar Idol season 4 top 10 pawl cu Rock hla in an i zuam hna. Benjamin Sum cu ‘Tuamae, Mataaneh’ timi hla in aa zuam.

Judge Tin Zar Maw: Na muihmai a hmumi paoh nih dawt dingin thluachuah pekmi na lo. Phundang te na si. Nangmah tein aw, style le hlasak dante na ngei.

Hla na sak lio i na style kha ka lung a ka suk tuk. Tu zarh zuamnak ahhin na caah ka thinphang pah. A ruang cu a luancia naa zuam lio i awsang na kai paoh ahkhan hnulei naa her. Na aw maangte na telhchihmi kha ka lungtling tuk.

Judge Phyu Phyu Kyaw Thein: Phyu Phyu Kyaw Thein a keuhka te zoh bak si ko. Naa hruhpi. Hlasak ahcun i hruhpi a hau. Midang nih cun ka chimi hi an i fiang lai lo nain nang cu na fiang lai ti ka zumh.

Na caah a biapimi a si ruangah ka chimmi a si. A caan ahcun i hruhpi hi a herh lo tiah mi tampi nih an ruah. Nain, minthang pawl cu phundang cio in kan hrut hna. (Tin Zar Maw – si, a dikmi a si).

Naa hruhpi lawng siloin na aw zong ttha. Na aw tthat lawng si rih lo, aw phundang te na ngei fawn. Nangmah hlathar silole mi hla na sak zongah nangmah style tein na sak khawh kha a biapi tukmi a si. (Aung Ko Lett – Hallelujah). I zuam chih ko. Kan zohthla tuk.

Judge Aung Ko Lett: Nu pahnih nih an chimmi ah a tling dih cang. Biachim awk an ka nganh ti lo caah an cungah ka thinhung. Kan huat hna ning. Benjamin na thiam tuk.

Tunai Phyu Phyu nih a chim bantuk khan i molhpi lo ahcun awngmin khawh silo. Kan nih zong a hrutmi chungah kan i tel ve. Nang cu a phunphun ah aa tlak ningin naa thleng kho.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.