16.7 C
Hakha
Thursday, June 17, 2021
- Advertisement -

Ṭial Tharmi

Tuni UNHCR le Ralzaam Bu Meeting Thawngthanh

Tuni, December 14 ah UNHCR Malaysia le Chin Ralzaam Bu (ACR, CRC, FRO, ZAM, tbk.) hruaitu pawl meeting an tuah. UNHCR nih a chimhmi hna cu atanglei hna hi an si.

UNHCR lutlai Mr. Thomas nih, “January thla silole MCO a dih tikah UNHCR zung kan on khawh ṭhan cang lai ti ka zumh,” tiah a chim.

“UNHCR chung policy le rianṭuan ning zong kan zohṭhan i kan remh cuahmah liopi asi. Mithar card/catlap pek le card/catlap tat-ṭan ṭu zong a thih tiang hngah hau ti loin a thih hlan deuh ah ṭu khawh asi cang.

“Cun, UNHCR nih ralzaam bu kip sinah kal in rianṭuan ṭi dingin kan i tim. Mah pinah, Johor ah kan on bantukin Malaysia rampumpi ah a herh ningin UNHCR zungṭhen on zong kan timh,” ati.

Card/Catlap Tat-ṭan ṭu kong

Atutiang ah minung 36,000 hrawng tat-ṭan ṭu piak an si cang. Sinain, MCO le CMCO ruangah UNHCR zung zong kan khar ṭhan. Tat-ṭan a dih cangmi min cazin kan ngeih i a changchang tein kan auh cuahmah hna lio asi.

Cucaah, a tat-ṭan dih cangmi hna nih online UNHCR website [hmet] ah nan phone number thar ṭial in min cazin pe uh tiah forhfial kan duh hna.

Zei khom si hmanh ah, cozah nih chawhvah a khapmi CMCO a dih hnu cun UNHCR zung kan on ṭhan lai i pakhat hmanh taang loin kan in auh dih ko hna lai.

UNHCR card/catlap a ngah bal rih lomi mithar nih sok nan duh ahcun UNHCR Mithar Bawmhnak phone number 017 614 3810 ah Nikhatni in Ningani tiang, zingka 8am in zaanlei 4pm tiang chawnh khawh asi.

Tlaihkhih

Atu lio tlaihkhih tam cu UNHCR zong kan lungṭha lo tuk. Nain, Lahwahkah bawi pawl kan ton hna i UNHCR card le catlap ngeimi cu tlaih lo dingin kan chimh hna i a rauh hlan ah lungtlinnak kan ngah khawh lai ti kan i ruahchan ko.

Cozah nih a chim ning ah, card le catlap ngeimi pawl cu an chuahkehnak ram ah kan kua hna lo a ti.

Tlaihkhih ton tikah chawnh tawnmi UNHCR phone number kha ni fatin a chawnmi an tamtuk ruangah, asi khawh ahcun online UNHCR website [hmet] zongin thawngthanh pah dingin kan in nawl hna.

Tlaihkhih he aa pehtlai lomi kong zongah tlaihkhih phone number a chawnmi ralzaam an um. Cucaah, zei bantuk ton ah dah zei bantuk phone number chawnh asi ti zong hi mipi nih an i fian herh tuk.

Ram thumnak kal kong

USA nih Malaysia in ralzaam zeizat dah a lak lai ti cu kan hngal rih lo, thawngpang kan hngah lio asi.

Canada nih a ra laimi kum 3 chungah ralzaam ting 12 (1.2 million) ka lak hna lai ati.

Australia zong nih hmai kum chungah ralzaam 30,700 hrawng ka lak lai ati ve.

Sinain, Malaysia ram in ralzaam zeizat dah an lak lai ti cu an chim rih lo caah UNHCR zong nih thawngpang kan hngah ve lio asi, tiah UNHCR Malaysia lutlai Mr. Thomas nih a chim.

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -