16.3 C
Hakha
Sunday, August 1, 2021
- Advertisement -

Ṭial Tharmi

Tuni Thokin Malaysia Ramchung nan Duhnak Paoh nan Kal Kho Cang

Covid-19 karh hlah seh tiin cozah nih lengchuah a khapmi (CMCO) a dongh cang caah tuni thokin Malaysia ram chung nan duhnak paoh ah kal khawh asi cang.

State dang kal kho hna hlah seh tiin palek le ralkap nih lam an kham (block) mi zong tuni thok cun an block ti lai lo, ngol dingin nawl kan pek dih cang hna, tiah Runvennak Vuanci Datuk Seri Ismail Sabri Yaakob nih a thanh.

“Ramdangmi pawl phungninglo in Malaysia an luh tawnnak lam pawl dah ti lo cu palek nih state dang kalnak lam an kham ti lai lo,” ati.

CMCO cu nizaan June 9 zaanṭim ahkhan a dong i tuni cun punghman ah kir dingin chawhvah khapmi (RMCO) aa thok cang. RMCO chung ahcun Malaysia ram chung duhnak paoh ah kal khawh asi cang. Ramdang tlawn balte a ngah rih lo. Ramdangmi nih Malaysia tlawn zong a ngah rih lo.

Gym kal zong June 15 thokin a ngah cang lai. Lentecelh zuamnak puai tuah le biakinn ah i pumh balte a ngah rih lo. Cozah nih thawng a thanh ṭhan te lai. Onh rih lomi pawl cu kahin rel khawh asi.

Malaysia cozah nih March 18 thokin lengchuah a khap i nitin nunnak caah a herh lomi dawr le company vialte a khar ter dih hna. Mah chungah Covid-19 zawtnak ngei vialte a tlaih dih hna i sizung ah free in a thlop hna. Anmah pawng a rak ummi zong a tlaih dih hna i zawtnak an ngeih/lo a check hna.

June 7 ah ram hruaitu PM Pu Muhyiddin nih, “zawtnak karh ti lo dingin kan control khawh cang…,” tiin thawng a thanh i atu bantukin khapmi pawl an dorh deuh hi si.

Rianṭuan a ngahnak zong a sau cang nain Covid-19 zawtnak ruangah le, lengchuah le rianṭuan rak khapmi ruangah sipuazi a tla tuk i company tampi hlan bantukin customer an ngeih ti lo caah boss tampi nih an rianṭuantu an ṭhumh hna i Chinmi tampi rian ngei loin an vai.

Rian dang an kawl len nain an hmu kho lo. Company dihlak ngawt nih an rianṭuantu an ṭhumh hna. A ṭhum lomi company zong nih mi thar an duh rih hna lo.

Cucaah, rian ngei lo Chinmi pawl cu an harsa ngai. Lengchuah khap (lockdown/MCO) chung kha cu an ṭuan ciami an ei hna nain atu cu thla 3 deng asi cang caah an ṭuan ciami a dih ve cang i lockdown lio nakin an har deuh.

- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -