Wednesday, December 1, 2021

Tuni Malaysia COVID-19 Mizaw Thar 4,000 Leng Bak an Si

Tuni cu Malaysia ah COVID-19 mizaw thar 4,029 bak an hmuh hna. Zawtnak aa thokka in mizaw tambik an hmuh ni asi.

Mizaw thar thong 4 leng chung ahhin 8 cu ramdang in a rami an si i adang paoh cu ram chungah aa chawnmi lawngte an si.

Zawtnak aa thokka in atutiang mizaw hmuhmi dihlak 155,095 an si cang.

Liamcia January 14 zong ahkhan mizaw thar 3,337 bak an rak hmuh hna, ni 1 chung mizaw tambik 2nak asi. Mah hlan January 12 zongah mizaw 3,211 le January 7 ah 3,027 an rak hmuh hna.

Atu hi, sizung ah thlop liomi mizaw 37,126 an um rih. 205 cu a zual tukmi zohkhenhnak (ICU) khaan ah an thlop hna. 79 cu thawpeknak seh an bunh hna.

Tuni ah mizaw 2,148 an dam. A dammi dihlak 117,375 an si cang.

Tuni ah mizaw 8 an thi, a thimi dihlak 594 an si cang.

Acunglei kan hmuh bantukin Malaysia ram cu zawtnak a zual chin lengmang caah January 13 in 26 tiang cozah nih lockdown a tuah i Chinmi tampi zong rian ngei loin an um hna lio asi.

- Advertisement -