Tuni zong Malaysia ah COVID-19 mizaw thar 3,339 bak an hmuh rih hna. Nizaan 4,000 leng nak cun a zor deuh nain, a tam tuk ṭhiam rih ko.
Tuni mizaw thar he cun zawtnak ngei hmuhmi dihlak 158,434 an si cang.
Tuni ah mizaw 7 an thi, a thimi dihlak 601 an si cang.
Mizaw thar tambik an hmuhnak state cu Chinmi tambik an umnak le Malaysia ram ah minung tam cemnak Selangor state 1,314 asi.
A changtu ah Sabah 393, Johor 362 le Putrajaya 334 an si.
Mizaw thar 15 cu ramdang in a rami an si i adang paoh cu ram chungah aa chawnmi lawngte an si.
Tuni ah mizaw 2,676 an dam ve. A dammi dihlak 120,051 an si cang.
Atu hi sizung ah thlop liomi mizaw 37,782 an um rih. 240 cu mizaw zual zohkhenhnak (ICU) khaan ah an chiah hna. 93 cu thawpeknak seh an bunh hna
