Tuni Malaysia Covid-19 mizaw thar 2,643 an si

,

Tuni January 8, 2021 ah Malaysia ram ah Covid-19 zawtnak ngeimi 2,643 an hmuhchap hna. Zawtnak ngei hmuhmi dihlak 131,108 an si cang.

Liamcia suimilam 24 chungah Covid-19 in a thimi 16 an um. A thimi dihlak 537 an si cang.

Cun, Covid-19 in a dam i sizung in ttintermi 2,708 an si. Zawtnak aa thokka in nihin tiang a dammi 105,431 an si cang.

Atu lio Covid-19 in a zaw cuahmahmi 25,140 an si. Mizaw zual zohkhenhnak (ICU) ah 170 an um i cu chungah 82 cu an zual tuk caah ventilator bunh an si.

Ngandamnak Vuanci Zung director-general Tan Sri Dr Noor Hisham Abdullah¬†nih, “Tuni mizaw thar hmuhmi lak 2 lawng hi zawtnak ngeicia in ramdang in a rungtlungmi an si.

“Ramchung zawtnak aa chawnmi lakah 1,666 cu Malaysia rammi an si i 975 hi ramdangmi an si,” tiah tu zaanlei ah a chim.¬†

Atu lio cu Malaysia ram ah Covid-19 zawtnak a karh tuk ruangah cozah nih phihkhamnak fak deuh in tuah a timh. Mah kongah, January 11 ahkhin Prime Minister Pu Muhyiddin Yassin nih thawngthanhnak a tuah te lai.