23.7 C
Hakha
Thursday, June 24, 2021
- Advertisement -

Ṭial Tharmi

Tuni Malaysia COVID-19 Mizaw Thar 14, a Thimi Um Lo

Tuni, July 12 ah COVID-19 mizaw thar 14 kan hmuh hna, tiah Malaysia Ngandamnak Vuanci Zung nih a thanh.

11 cu Malaysia ram chungah zawtnak aa kumi an si. 3 cu ramdangah aa kumi, ramdang khualtlawnnak in a rung kirmi an si.

Ram chungah aa kumi 11 lakah 8 cu ramdangmi an si, 3 cu Malaysia rammi an si. 2 cu Sarawak state ummi an si i 1 Sabah ummi si.

Sarawak state i mizaw pakhat cu zawtnak letkhana a piah caah sizung ah aa piah i a pum chungah rungrul an hmuh hi si. Pakhat cu mizaw case 8,694 nih a chawnhmi si.

Sabah state i cu Keninga Hospital ah an hmuhmi si.

Ramdangmi 8 cu Sepang Lahwahkah Thong/Camp i mizaw case 8,629 le 8,630 nih an chawnhmi hna si.

Tuni ah mizaw 4 an dam.

Zawtnak aa thokka in atutiang ah zawtnak ngei hmuhmi dihlak 8,718 an si cang.

Mah chungah 8,519 an dam cang i 122 an thi cang.

Tuni mizaw 11 he fonh in atu hi mizaw 77 te lawng an taang cang.

Atu hi mizaw 3 cu a zual tukmi zohkhenhnak (ICU) ah an chiah hna, 2 cu thaw chuah an i har caah thaw peknak seh (ventilator) an bunh hna.

Tuni cu a thimi an um lo.

- Advertisement -

Ṭial Tharmi

Malaysia boss pawl nih ‘lockdown donghter cang’ tiin cozah an hal

Kuala Lumpur: Malaysia Rianngeitu Phu (Malaysian Employers Federation - MEF) nih, "Full lockdown (FMCO) hi a rannak in donghter cang," tiin nizaan ah cozah...

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...
- Advertisement -

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -