Zahan chun in tuni chun tiang, ni 1 chungah COVID-19 mizaw thar 1,741 kan hmuh hna, tiah Malaysia Ngandamnak Vuanci Zung nih a thanh.
1,733 cu ram chungah zawtnak aa chawnmi lawngte an si. A taangmi cu ramdang in a rami an si.
Zawtnak aa thokka in atutiang mizaw hmuhmi dihlak (a thimi le dammi telh) 120,818 an si cang.
Mah lio cun COVID-19 mizaw 7 an thi ve. A thimi dihlak 501 an si cang.
Atu hi sizung ah zohkhenh liomi mizaw 22,089 an um.
Selangor state ah mizaw thar an tambik peng rih, 687 an si. A changtu ah Sabah state 303 le Johor 295 an si. Mizaw thar an hmuhnak state dang hna cu;
- Kuala Lumpur 150
- Negri Sembilan 56
- Penang 55
- Kelantan 50
- Kedah 45
- Melaka 34
- Perak 34
- Pahang 12
- Labuan 1
- Sarawak 8
- Terengganu 4
- Putrajaya 6 le
- Perlis 1 an si.
Mah lio cun COVID-19 mizaw 1,010 an dam ve. A dammi dihlak 98,228 an si cang.
Mizaw 122 cu mizaw zual zohkhenhnak ICU khaan ah an thlop hna. 53 cu thawpeknak seh an bunh hna.
Tuni a thimi 7 lakah 3 cu Sabah state ummi an si. A tangmi 4 cu Johor 2, Pahang le Selangor 1 veve an si.
A thimi pawl hi kum 45 in 83 kar, an dihlak in damh har zawtnak dang simi thi-kai, zun-thlum, kal zawtnak, dyslipidemia le retroviral zawtnak a ngeimi lawngte an si.
Sabah state ah a thimi kum 50 nu pakhat lawng hi zawtnak dang zeihmanh a ngei lomi si.
