Hakha: Tuni July 1 ah COVID-19 mizaw 5 kan hmuh hna, tiah Rev. Dr. Stephen Lian Hup Ling nih a thanh.

Hakhathar um Nazareth Baptist Church i NuNu Hall ah 10am in 1pm tiang COVID-19 checknak an tuah. Minung 33 an check hna i zawtnak ngei 5 an hmuh hna hi si.

Mizaw 5 cu;

• Hakhathar (1) ummi 2
• Dawrthar, SHS (4) pawng ummi 1 le
• Khuathar, khua helnak lam ummi 2 an si.

Thaizing zong hika hmun ah COVID-19 check nak an tuah rih lai. Hopaoh i check khawh asi.

Hakha cu nizaan tihni zongah mizaw 9 an hmuh hna.

Thantlang: Sayama Chin Chin nih, “Tuni ah minung 28 an i check i zawtnak ngei 5 an hmuh hna,” tiah a chim.

Mizaw 5 cu;

• Sianginn sang ummi 1
• Zunghmun sang ummi 1
• TABC sang ummi 1 le
• Lungtial sang ummi 2 an si.

“Minung 1 lawng hi mizaw ṭhing he aa pehtlaimi si. Adang 4 hi cu mizaw ṭhing he aa pehtlaimi an si lo caah zawtnak a karh tuk cang tinak asi. I ralrin ngai a hau,” ati.

June 29 zong ahkhan Thantlang ah mizaw 17 bak an hmuh hna.