Tuni ah Chinmi 14 leng an Tlaih Hna

- Advertisement -

Tuni ah ralkap le palek nih duhlo langhtertu Chinmi 14 leng an tlaih hna, tiah kan theih.

Hakha ralkap duhlo langhternak ah thawngpang a lami The Hakha Times CEO Pu Lalawm Puia le Hakha khuathar Methodist Church Pastor Rev. Ngun Tum Lian an tlaih hna.

Tuni Hakha dirhmun – Photo: Chin World

Hakha mipi nih an dawi colh hna i palek sakhan hmai ah “kan thlahpiak hna uh” tiin an au hnawh hna i palek nih “thaizing February 28 12pm ah kan thlah ko hna lai” an ti hna caah tuzaan cu mipi zong palek sakhan in an ṭin cang.

Yangon miphun tling ralkap duhlo langhternak ah aa tel vemi Chinmi 9 an tlaih hna.

Thawngpang thar [update]: Hmasa ahcun Yangon ah tlaih tong Chinmi 6 lawng kan theih hna nain hlat chap tikah tlaih tong minung 9 min kan theih cang hna. Min theih rih lomi he cun 20 hrawng an si lai tiah zumh asi.

Tuni Yangon ah tlaih tong mi hna

An tlaihmi 9 lakah kum 16 Chin tlangval note Salai Okka Aung zong aa tel ve. Anu hmaika bakah an tlaih.

The Hakha Times editor-in-chief Pu Lalawm Puia

Mandalay miphun tling ralkap duhlo langhternak ah aa telmi Chinmi 2 an tlaih ve hna.

Atutiang kan theih khawh tawk ah tuni ah Chinmi 14;

  • Hakha ah 2,
  • Yangon ah 9 le
  • Mandalay ah 2 tlaih an tong.
Tuni kha dirhmun – Photo: Chin World

Tuni Falam, Matupi, Kalaymyo, Mindat, tbk. lamzawhnak ahcun Pathian dawtnak thawngin Chinmi tlaih an tong ti kan thei rih lo.

Tlaih tongmi vialte an luatnak hnga kan ti khawh ning cio; a hmun ummi nih thazaang, hmun dang ummi nih chawva le thlacamnak in bawm cio hna usih.

Rev. Ngun Tum Lian – Photo: Salai Tluang Te

Chin state thil le kan Kawlram thil cang hi mi vialte theih dingin share cio hna usih.

Ref: Chin World

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...