KUALA LUMPUR: Tuni, September 9 ah Malaysia um Tuluk biakinn ah nungak tlangval khuah 99 tthitumnak an tuah. Biakinn 1 bakah khuah 99 tthitumnak tuah cu minung an tam taktak khi si.
Thla 9 thla, ni 9 hi Tuluk miphun nih cun ‘van tthat ni’ tiah an zumhmi ni sunglawi taktak asi.
Buddhist phung in tthitumnak tuah a duhmi tampi cu Kuala Lumpur um Thean Hou Buddhist biakinn ahhin kum fatin September 9 ah an tuah lengmang. Tuluk holh ahcun number 9 awchuah hi ‘a hmunmi’ timi awchuah he aa lo.
A ummi tam deuh cu suits nak le monu thuam raang an i hruk hna, nain cheukhat cu thil sen aa hrukmi zong an um. ‘Asenmi’ hi Tuluk nunphung ahcun ‘vantthatnak, lawmhnak le nuamhnak hmelchunh asi. Pipu chan ahcun Tuluk nu cu va an ngeih tikah thil sen peng an rak i hruk tawn.
Pangpar tom aa putmi khuah pawl cu, thil sen aa hrukmi phungki nih thluachuah a pek hna hnu ah bia a kamter hna.
Group hmanthlak in puai cu an donghter.
Malaysia rammi minung 32 million lakah Tuluk miphun hi 23% hrawng an si. Tuluk miphun cheu-nga cheu-khat hrawng cu Buddhist a biami an si hna.
