Tuluk ram ah bawmtu ngeilo hartong Myanmar nu

- Advertisement -

Taungoo khuapi pawng, Htantabin peng, khuate pakhat ah a ummi Thuzar Aye (kum 18) cu 2018 ahkhan Myanmar-Tuluk ramri hmun pakhat ah zuar a rak tong. Hmanthlak tarmi pa khi Tuluk ram a vapa a si.

Zuar a ton zarh 1 hnu ah a puaisa nih a nu sinpa Kyats ting 3 le cheu a va pek.

Kum fatin Myanmar nu tampi cu Tuluk ram ah lam a phunkip in nupi caah zuar an tong i cheukhat cu Tuluk ram in Myanmar ram ah an rak kir tthan.

A rak kirmi Myanmar nu cheukhat cu Tuluk pa he an i umh i fa an ngeih hnu lawngah an rak kir kho.

Thuzar Aye zong Tuluk ram ah nupi ca dingin zuar a ton hnu ah Myanmar ram kir dingin aa zuam peng. Myanmar ram kir dingin aa zuamnak hi kum 1 leng si cang.

Naite ahkhan Tuluk ram ah rianttuan in a rak tlungmi pakhat sinin bawmh a hal tiah BBC nih a ti.

Myanmar-Tuluk ramri checknak gate ahhin Tuluk pa nupi ttuan dingin mi zuar a timtu puaisa pawl an tlaih pah lengmang hna.

“2019 kum thok in September thla tiang ah Tuluk pa nupi ttuan dingin zuar timhmi Myanmar nu 47 kan khamh khawh. Puaisa 79 kan tlaih hna,” tiah phungninglo minung phor dotu palek nih an chim.

Tuluk nupi ttuan dingin zuar timhmi Myanmar nu kan khamhmi tam deuh cu Tuluk ram an phak hlan ah a si. Tuluk ram chung phak hnu ah khamh dingmi cu 2019 chungah Thuzar Aye lawng a si lai tiah palek nih an chim.

Thuzar Aye cu Myanmar ram he aa neihnak Yunna state chung hmun khatkhat ah a um. Thuzar Aye ttialnak ahcun Chuxiong peng, Dahekouxiang khuate ah ka um a ti.

Thuzar Aye nih a umnak hmun a ttialmi

Thuzar Aye cu zuar a ton kum 1 le thla 6 hnu ah a nulepa he an i pehtlai kho. Tuluk ram ah rian a ttuan i Myanmar ram ah a hung tlungmi thawngin an i pehtlaih khawh hi a si.

Thuzar Aye cu an khuami puaisa Ko Soe Nai nih Tuluk ram ah rian na ttuan lai a ti nain a hlen. Thuzar Aye cu a nulepa nih an pehtlaih khawh ti lo caah puaisa pa cu taza an cuai i thla 5 thong a tla. Atu ahcun thonginn in a chuak cang.

Thuzar Aye tonmi kong an theih hnu in puaisa pa cu tazacuai chap ding a si tiah palek nih an ti.

Myanmar palek nih Tuluk lei palek sinah thawng an thanh cang nain atu tiang an bawm kho rih lo.

Thuzar Aye cu atu hi fa apawi i tlawmpal ah nau ngei ding a si. Nau ngeih hnu ah hmun dang ah an ka zuar tthan lai ti a phan ruangah bawmh a hal hi a si tiah BBC Burmese nih a ttial.

Follow US

102,157FansLike
53FollowersFollow
734SubscribersSubscribe

Ṭial Tharmi

Chin Ralzaam caah FREE in Cancer Zawtnak Thlop Khawh Si Cang

A ra laimi October thla ah UNHCR card/catlap le community card a ngeimi ralzaam pawl hna caah Alliance of Chin Refugees (ACR)...

Vum Thu Maung certual sakmi 65% an lim cang

Chin khualipi Hakha um Vum Thu Maung Certual i puai zohtu mipi ṭhutnak cu Chin State Cozah budget ting thong 6 le...

Kawlram ah Covid-19 zawtnak ngei hmuhmi 9,000 leng an si cang

Ngandamnak Vuanci Zung nih tuzaan sml 8 i thawngthanhnak a tuahmi ah Covid-19 zawtnak ngei hmuhmi 9,112 an si cang.

Malaysia ah Covid-19 mizaw thar 111 an hmuhchap hna

Tuni Malaysia ram ah Covid-19 zawtnak ngeimi 111 an hmuhchap hna. Zarh khat chungah mizaw a zaleng an hmuh hna hi voi...
- Advertisement -