Tuksapur: US Pastor nih Hluttaw (Congress) ah Pathian Serhsat in Thla a Cam

- Advertisement -

US pastor Pu Emanuel Cleaver nih nizaan US Hluttaw Meeting ah thla a cam lio ah a donghnak i amen aiah ‘pamen, le numen’ ati caah US lawng siloin vawleicung Khrihfa vialte an lau dih.

Pu Emanuel Cleaver cu Missouri state ah Democratic party in Hluttaw Niam (House) MP/representative aa cuh i teinak a hmumi si. Hmasa ahcun St. James United Methodist Church ah pastor a ṭuanmi si.

US khuasa Judah miphun minthang ngai a simi “Pu Ben Shapiro nih ‘Amen’ cu Bible Hebrew biafang asi i “si hraam seh” tinak asi. Hebrew holh asi caah “pa” le “nu” he zeihmah aa sai lo. Ka nunchung ka hmuhmi vialte lakah a hrut bik si,” tiin a phomh colh.

Israel ram i Judah tlangbawi minthang ngai a simi Pu Chaim Navon nih “hi cu Pathian serhsat asi” ati ve.

Hindu pathian ‘brahma’ sin zongah thla a cam

Thla a cam lio ah, “atu le zungzal tiang, pakhat lawng a ummi pathian brahma le biaknak dang tampi nih min tampi in an auhmi pathian min in kaan hal. Pamen, le numen” ati.

Brahma cu Hindu pathian asi.

Democratic tampi nih cun mi vialte huap in biachim le thlacam hi an uar tuk caah Happy Christmas zong ‘Khrihfa lawng a huap’ an ti i “Happy Holidays” tiin an thlen.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...