Kawl Ralkap nih Sagaing ramṭhen, Nagadwin khuami 6 cu chiakha taktak in an thah hna pinah an khua an hrawhpiak chih rih hna.
Ralhrang Kawl Ralkap nih khuami 6 an thahmi hna cu;
- U Than Htwe
- U Kyaw Win
- Ko Moe
- U Kan Nyunt
- Ko Htu le
- U Zaw Win an si.
“Kan khua ningin inn vialte an hrawh dih. An thahmi hna pawl zong hi an thah hna ning a chiakha tuk,” tiah khuami pakhat nih a chim.
Sagaing ramṭhen, Shwebo district ah a ummi Nagadwin khuate ah umhmun khuarmi ralhrang pawl cu tuni December 11 ah an chuak.
An chuah hnu ah a zaammi khuami pawl an hung kir cu an inn vialte umnak ṭha loin an rak hrawhpiak dih hna.
Thah a tongmi khuami 6 ruak zong an hmuh hna i an thah hna ning a chiakha tuk i tuksum tuk asi.
