17.2 C
Hakha
Monday, July 26, 2021
- Advertisement -

Ṭial Tharmi

Tu thla chungah Aung La Nsang le Reinier De Ridder an i phomh lai

Atu lio ONE Middleweight Champion le ONE Light Heavyweight Champion simi Aung La Nsang cu tu thla October 30 ah Reinier de Ridder he ONE Middleweight Champion i cuh dingin an i phomh lai.

October 30 ah ONE Championship nih Singapore ram ah ‘Inside The Matrix’ timi tlangtar in champion 4 i phomhnak puai tuah a timh.

Aung La Nsang cu tu kum July thla ahkhan Covid-19 in a zaw i atu hi a damnak thla 3 si cang.

“Reinier de Ridder cu One Championship ah voi 3 tiang teinak a hmuh caah mah le mah zumhnak tampi a ngei lai ti ka theih ko. Ka zumh fawn.

“Cucaah, ttha tein timhtuahnak ka ngei ve. An nih cu pe 6 le lehmah 3 a sang i a kut zong an sau tuk caah fawi tuk in a ka tlaih khawh lai.

“Kan team chung ah Jujutsu a thiammi tampi an um ve ko. Anmah he ttha tein training kan tuah ko,” tiah Aung La Nsang nih a chim.

Reinier de Ridder cu MMA ah puai 12 aa tthua cang i voi 1 hmanh a sung bal rih lo. One Championship ah voi 3 aa thua i voi 3 ningin teinak a hmumi a si.

Naite ah, Brazil Jiu-Jitsu World Champion voi 5 ngahtu Leandro Ataides a tei caah atu bantuk in Aung La he i phomh kho ding dirhmun a phak hi a si.

Reinier de Ridder cu Muay Thai, Kickboxing, Jujutsu pinah Judo a hlei in a cawngmi a si. MMA aa tthuatmi vialte zoh tikah a thiam ngaimi a mitlaih/reh in puai 8 tiang teinak a hmuh. An nih hi kum 30 a si i Aung La Nsang nakin kum 5 a ngakchia deuh.

Aung La Nsang cu kum 35 si i MMA ah puai 26 teinak a hmu. Puai 10 a sung. One Championship ah puai 11 teinak a hmu i, puai 1 a sung.

Aung La Nsang nih, “Atu lio ahcun Middleweight lawng ah tthuat dingin ka ruat. Ka pumrua hi Middleweight caah a zabak si. Hnu ahcun Middleweight Champion taisawm lawng ven ka tim.

“Light Heavyweight kong hi cu ka ruat tuk rih lo. Zuamcawh tu ttha te an um ahcun kal kaa tim ko. An um lo khan cun Middleweight lawngah tthuat kaa tim” tiah a chim.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -