9.9 C
Hakha
Friday, November 27, 2020

COVID-19

Vawleipumpi
61,782,784
A zawmi
Updated on November 27, 2020 8:41 pm
Vawleipumpi
1,445,923
A thimi
Updated on November 27, 2020 8:41 pm
Vawleipumpi
42,188,880
A dammi
Updated on November 27, 2020 8:41 pm

‘Trump phuah dingin tazacuai’ kong kai ruat lio ati tu Republican MP aa phuak

Advertisement

Washington — US Hlutdaw Niam i Republican MP Pu Francis Rooney nih zahan ah, “President Donald Trump nih upadi a buar ahcun phuah tazacuai (impeach) dingin ka vote ko lai,” ati nain, tuni ah “MP in i phuak dingin kai sungphiat cang” tiah thawng a thanh.

Florida state um Pu Francis Rooney cu 2016 ah Republican party in Rampumpi Hlutdaw Niam (House of Representatives) MP aa cuh i teinak a hmumi asi.

Kawlram ahcun Hlutdaw palai paoh cu MP tiin auh an si nain US ahcun Hlutdaw Niam palai cu ‘representative lole congressman’ tiin an auh hna i Hlutdaw Sang (Senate) palai cu ‘senator lole congressman’ tiin an auh hna. Zapi i fian dingin MP kan ti bia asi.

“MP kaa zuamnak aa ruang cu Florida state um Everglades remhnak caah tangka budget ngahter le Florida state vennak caah rili tang zinaan le gas vih kham ka duh caah asi.

“MP kaa zuam hnawhchan ka tuah khawh cang caah MP in i phuak dingin kai sungphiatnak asi,” tiah Pu Francis Rooney nih a chim.

Pu Rooney cu zahan ah thawngla pawl nih “Trump phuah dingin tazacuai an timhmi cu lungtlinnak vote na thla lai maw?” tiah an hal.

“Bia dik ka theih hmasa hnu ah thil dik ka tuahte lai. Ka rian ṭuanṭi hawi nakin ka fale hi caan sau deuh ka hmuh hna ding an si caah mithmai zoh loin thil dik tuah ka duh,” tiin a rak leh hna. Nain, a thaizing tuni ah “MP in i phuak dingin kai sungphiat cang” tiin thawng a thanh hi si.

President Trump nih ‘a zuamcawhtu Joe Biden thangchiat a duh caah Ukraine president phone a chawnh i Joe Biden le a fapa eihmuarnak kong rak hlat, na hlat lo cun ralkap bawmhnak kan phih lai ati’ tiin thawng a thang.

Mah ruangah, Hlutdaw Niam i Democratic party MP pawl nih “president a sinak kha amah pumpak miatnak caah a hman, ningcang loin nawlngeihnak a hman” tiin phuah dingin tazacuai (impeach) an timh. Phuah dingin tazacuainak caah a herhmi tehte an khomh cuahmah liopi asi.

Tehte an khomh dih hnu ah Hlutdaw Niam ah an chuahpi lai i phuah dingin tazacuai lungtlin/lo vote an thlak te lai. Hlutdaw Niam ah Democratic MP an tam deuh caah lungtlinnak vote nih a tei lai tiah zumh asi. Cu hnu ah Hlutdaw Sang ah an kuat lai. Hlutdaw Sang cun Republican MP an tam deuh caah lungtlinlonak vote nih a tei lai i President Trump cu an phuak kho lai lo, tiah zumh asi.

Kan phuak kho lai lo, ti hi Democratic party nih an hngalh tuk ko nain hmai kum 2020 November ah thimnak tuah ding asi caah Trump belnang neh an duh. Anmah nih cun “ahohmanh upadi cungah kan um lo, president zong nih upadi buar a ngah lo ti kha mi vialte theihter kan duh hna…” an ti. — CNN, Fox News le The Guardian

Kan Bawm Ve

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si. Lunglawmh thawngthanhnak caah na min le hmanthlak na kan kuat khawh cun kan i lawm chinchin ko hnga.

Email Kan Kua

Na email kan kua law, ni fatin thawngpang thar kan in kuat lai

Email Kan Kua

Na email kan kua law, ni fatin thawngpang thar kan in kuat lai

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

COVID-19

Vawleipumpi
61,782,784
A zawmi
Updated on November 27, 2020 8:41 pm
Vawleipumpi
1,445,923
A thimi
Updated on November 27, 2020 8:41 pm
Vawleipumpi
42,188,880
A dammi
Updated on November 27, 2020 8:41 pm
- Advertisement -