President Donald Trump hi phuak law nangmah nih caankarlak president ṭuan… tiin nizaan ah US Hluttaw Niam (House) nih Vice President Mike Pence a fial.
Nizaan ah, Hluttaw Niam MP/representative pawl nih “phunghram 25th Amendment hmangin president hi phuak law nangmah nih caankarlak president ṭuan tiin Vice President kan fial lai maw lai maw?” tiin vote an thlak.
Representative 223 nih “Yes” an vote i 205 nih “No” an vote. Fial a duhmi an tam deuh caah an fial. Republican 5 bak nih “Yes” an vote ve.
Sinain, Vice President Mike Pence nih a duh lo.
Cucaah, tuni ah Hluttaw Niam (House) cu meeting an tuah ṭhan i Hluttaw tu nih Donald Trump phuah dingin tazacuai usih tiin vote an thlak ṭhan tikah 232 an lungtling i a lungtling lomi 197 lawng an si caah Trump cu Hluttaw Niam nih phuah dingin taza a cuai.
Hluttaw Sang (Senate) ah an kuat lai i an ceihte lai. Mah kong cu mah hi hmet law tling tein rel khawh asi.
Kan hnu zarh ah Trump tanhtu pawl nih US Hluttaw an baoh i minung 5 an thih caah atu bantukin Trump phuah an timh hi si.
