Trump nih social media company dirh a timh


US President hlun Donald Trump cu tu hnu thla 2 silole thla 3 hrawng ah social media company a dirh lai i internet ah a hung lang ṭhan cang lai, tiah ruahnak petu Dan Scavino nih a chim.

Minthang asi rih lomi social media thar he i bawm in dirh aa timh caah social media thar pawl a ton cuahmah hna lio asi. Atutiang ahcun FreeSpace Social he an ṭangṭi te men lai, tiah zumh asi.

Trump cu January 8 thokin Facebook, Twitter le Snapchat hmang kho ti lo dingin an kham caah zapi nih a thawngpang theih khawh si ti lo. Amah zong mipi he aa pehtlai kho ti lo. Mah ruangah atu bantukin amah bak nih social media company dirh lawlaw a timh hi si.

Trump nih, “Thimnak cu keimah nih ka tei. Democrats nih lihhrokhrawl in vote an rel caah le vote deu a tamtuk caah si. Kham hna uh ….” tiin a ṭanhtu pawl a forh hna, cucaah “Biden nih a teimi fehter dingin Hluttaw meeting an tuah lio” January 6 ah Trump ṭanhtu thongsawm tampi nih Hluttaw ah buainak an chuahpi i Hluttaw palek 1 an thah. Trump ṭanhtu 4 an thi ve. Minung 5 nunnak a liam.

Mah ruang cun, “Trump cu buainak chuahtertu asi caah hmailei ah buainak a chuah ṭhannak hnga lo, a thih tiang Twitter hmang kho ti lo dingin kan kham,” tiah Twitter company nih a thanh i Trump account cu a thahpiak.

Ni tlawmpal hnu ah Facebook le Snapchat nih Trump account cu an thah ve i hmang kho ti lo dingin an kham ve.

Facebook balte nih cun, “Hmannak nawl kan onh ṭhan lai maw ti kan ruah lio si,” ati nain atutiang cu a onh rih lo.

FreeSpace Social cu zeidah si?

Facebook, Twitter le Instagram bantuk si ve ko. Nain, FreeSpace Social le Facebook aa dan biknak 1 cu Facebook (phone) ahcun cakuatnak um lo. FreeSpace Social ahcun cakuatnak um chih.

FreeSpace Social cu app thar te asi. February 1 ceo ahkhan an ser khawh i AppStore le PlayStore ah an chiah. Atutiang ah minung 20,000 lawng nih an download rih. Ni fatin punghman in a hmangtu cu minung 450 hrawng lawng an si. Trump he an dirhṭi ahcun thla tlawmpal chungah minung million tampi nih an hman cio lai tiah zumh asi.

Nain, Trump nih FreeSpace Social lawng si loin app dang tlawmpal zong a ton hna lio si i ho he dah kan dirh lai ti cu bia a khiak rih lo.

Trump cu Facebook, Twitter le Snapchat nih an kham ka ah, ruahnak petu hlun a simi a tupa Jared Kushner nih, “Ka pu, Parler le Gab app cu hmang bak hlah, na thangchia chin lai …,” ati caah atutiang social media app pakhat hmanh hmang loin a um.

Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...