23.7 C
Hakha
Thursday, June 24, 2021
- Advertisement -

Ṭial Tharmi

Trump nih Michigan vote rel kong tazacuaimi a sung

Michigan state vote rel kongah Trump team an lungtling lo i biaceihzung tiang an phan nain an sung thotho.

Michigan Nawlnak Biaceihzung biaceihtu Pi Cynthia Stevens nih, “Trump team sihni pawl nih nan halmi hi Michigan State Thimnak Zung Lutlai Pi Jocelyn Benson nih an pe kho hna lo,” tiah tu chun (US caan) ah bia a khiah.

Trump team nih, “Pi Benson nih hin vote an rel lio zohnak nawl kan pe seh,” tiah biaceihzung ah tazacuainak an tuahmi asi.

Biaceihnak cu Zoom call in an tuah. Biaceihtu Pi Stevens nih, “Michigan state thimnak lutlai cu Pi Benson asi ko nain, mee an rel dih ngawt cang caah Trump team nih nan halmi hi an pe kho hna lai lo,” tiah a chim.

Michigan Nawlnak Biaceihzung (Court of Appeals) biaceihtu Pi Cynthia Stevens

Trump team ruahnak petu Thor Hearne nih, “Thim Ni thaizing ah a hung phanmi saṭaih mee pakhat cu Thim Ni ah a phan tiin nithla an ka thlenter tiah thimnak zung rianṭuan pakhat nih a chim,” tiin biaceihtu cu a chimh.

Stevens nih, “kha cu biachokvai sawhsawh asi. A chim nan timi minung hmanh nih thil sining tling tein a chim kho lo,” ati.

Trump team nih, “vote rel lio zohtu dingah kan party aiawh in kan thlahmi pakhat zong vote rel lio an zohter duh lo,” an ti.

Michigan State Thimnak Zung lutlai Pi Benson, kum 43

Pi Benson sihni pawl nih, “khuazei thimnak zung le zei tik caan ah dah luh an sianh lo ti zong nan langhter khawh lo caah nan bia hi cohlan awk a tlak lo,” an ti.

Biaceihtu Pi Stevens nih Pi Benson sihni pawl chimmi cu a lungtlinpi hna.

Vote ahceu fai (65%) hrawng an rel lio cun Michigan state ah Trump nih 8% hrawngin Biden a hruai nain saṭaih cabawm in a rung phanmi vote pawl an rel hna tikah Biden nih a tei.

Tu lio result. Biden caah cun teinak caah 6 te lawng aa duh cang. Trump caah cun har ngai cang

Cucaah, Trump aa lungsak lo i atu bantukin biaceihzung tiang a phak hi si.

Trump caah cun teinak lam a bi ngaingai cang.

- Advertisement -

Ṭial Tharmi

Malaysia boss pawl nih ‘lockdown donghter cang’ tiin cozah an hal

Kuala Lumpur: Malaysia Rianngeitu Phu (Malaysian Employers Federation - MEF) nih, "Full lockdown (FMCO) hi a rannak in donghter cang," tiin nizaan ah cozah...

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...
- Advertisement -

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -