23.7 C
Hakha
Thursday, June 24, 2021
- Advertisement -

Ṭial Tharmi

Trump nih Iowa ah Biden a Tei

Buan i cuhnak state (battlegrounds or swing states) ah Iowa telh a hau ve ding alo cang. President Trump caah thinphan dai lo asi. Iowa khualipi hrambunh media Des Moines Register nih poll a tuah i Trump nih 1% te lawng in Joe Biden a tei, an i tluk ngacha.

Iowa cu 2016 thimnak ah Trump nih 10% dengmang in teinak a rak hmuhnak state asi caah a ra laimi thimnak zongah Trump nih teinak a hmuh rih lai, Iowa cu Trump caah a him ko, tiin zumhmi a rak si. Atu cu a him ti lo.

Cucaah, 2020 Buan i Cuhnak States (battlegrounds or swing states) ah hohmah nih an telh lomi asi, nain telh hau ding phun a lo cang.

Mah states pawl ahhin cun an i tluk tuk caah chim khawh asi bak lo, hopaoh aa tei kho an si timi states pawl kha “battlegrounds lole swing states” tiin an auh hna. A tawifiannak in “buan i cuhnak states” tiah ka auh ve. Zeitin dah auh a ṭhat lai rak comment te u.

Des Moines Register nih poll a tuahmi zoh tikah, 44% nih Trump kan vote lai an ti i 43% nih Biden kan vote lai an ti.

Nai hrawng cu US ah zawtnak pulrai fak tuk a tlung i minung ting 1 leng an thi cang. US sipuaizi a tla. Mirang palek pa nih minak pa a thah caah rampumpi ah sandah an piah i dawr tampi an baoh, thil an fir. Khuaci an mui.

Mah ruangah Iowa state minung tampi nih kan US rampi hi a kal ning hmaan ti lo tiah an zumh. Iowa mipi 22% nih kan ram hi a kal ning hmaan ko tiin an zumh lio ah 63% nih cun a kal ning hman ti lo tiin an zumh, tiah poll nih a langhter.

Iowa state ahhin Chinmi kan tam ngai ve. Biakinn zong kan ngei.

Mah vialte poipang a chuah hlan, March thla ahkhan cun Iowa mipi tam deuh (46%) nih kan ram hi a kal ning hmaan ko tiin an rak zumh i tlawm deuh (44%) nih a hmaan lo tiin an rak zumh.

Trump rianṭuan ning a lungtlingmi an tlawm tuk fawn, Iowa mipi 45% lawng an lungtling i 52% an lungtling lo.

“Biden caah hnangam tuk awk asi hlei lo, Trump nih 1% in a tei ṭhiam cu mu. Nain tuni bak ahhin election tuah hna sehlaw Biden caah rak ruah ning nakin ruahchannak a tam deuh,” tiah poll tuahtu J. Ann Selzer nih a chim.

Pa lawng in kan zoh ahcun, Iowa state pa 54% nih Trump an ṭanh i 36% nih Biden an ṭanh. Trump nih 18% in a tei ko nain thawngpang ṭha asi lo. Aruang cu 2016 thimnak ahcun pa 61% nih Trump an rak vote. Trump a ṭanhtu pa zong an zor tuk.

US president thimnak taktak cu November 3, 2020 ah an tuahte lai. — Des Moines Register, The Hill le USNews

- Advertisement -

Ṭial Tharmi

Malaysia boss pawl nih ‘lockdown donghter cang’ tiin cozah an hal

Kuala Lumpur: Malaysia Rianngeitu Phu (Malaysian Employers Federation - MEF) nih, "Full lockdown (FMCO) hi a rannak in donghter cang," tiin nizaan ah cozah...

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...
- Advertisement -

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -