15.6 C
Hakha
Sunday, June 20, 2021
- Advertisement -

Ṭial Tharmi

Trump nih Ca a Tialmi cu Delete Piak Dingin Biden nih Twitter le Facebook a Fial Hna

Washington — President Trump nih mail in vote thlak a duh lonak kong a ṭialmi cu delete piak dingin Joe Biden campaign nih Facebook le Twitter company a fial hna.

President Trump nih mail in vote thlak a duh lonak kong cu Facebook le Twitter ah voi tam ngai a ṭial.

US State tampi nih coronavirus zawtnak kaa chawn sual lai ti a phangmi pawl cu November 3 thimnak ah vote thlaknak hmun ah kal loin mail in na vote kuat khawh asi, tiin upadi an tuah caah Trump nih a lungtlinlonak kong a ṭial hi si.

Trump nih, “mipi nih lengchuak in sandah an piah khawh i an buai khawh, dawr an baoh khawh ko ahcun, lengchuak in vote an thla kho ko. Kan election hi dik ding tein tuah uh,” tiah Twitter le Facebook ah a ṭial.

“Minung millions tampi nih an vote mail in an kuat ahcun, vote cu khuazei ah an kal, aho sin dah an phak ti zeitin dah kan hngalh khawh lai?” ati.

“Trump nih mipi cu hramhram in ngandam le vote thlak a thimter hna,” tiah Biden campaign nih Trump cu a mawhchiat.

“Tuni ah, mail in vote a ṭha lo tiin Trump nih ṭihnung ruahnak a ṭial peng,” tiah Biden campaign manager Jen O’Malley Dillon nih Reuters tadinca ah a chim.

“Trump caṭial mi pawl cu delete piak dingin kan campaign nih Twitter le Facebook company ca kan kuat hna,” ati.

Facebook biachimtu nih, “Trump caṭialmi nih kan policy a buar lo caah kan delete piak lai lo,” tiah a chim. Twitter biachimtu zong nih cutin a chim ve.

Trump nih, “mail in vote a ngah ahcun ka sung kho,” tiah Politico interview ah a chim.

March thla zongah Trump nih, “mail in vote a ngah ahcun mah ram ahhin zei tik hmanh ah Republican nih president kan ngah kho lai lo,” tiah a chim. — Reuters

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -