11.6 C
Hakha
Thursday, November 26, 2020

COVID-19

Vawleipumpi
60,855,812
A zawmi
Updated on November 26, 2020 12:55 pm
Vawleipumpi
1,429,720
A thimi
Updated on November 26, 2020 12:55 pm
Vawleipumpi
41,687,689
A dammi
Updated on November 26, 2020 12:55 pm

Trump nih Biden Sunghter Dingin Tazacuaimi 3 Bak a Sung

Advertisement

US President Donald Trump nih President-thimmi Joe Biden sunghter dingin taza a cuaimi 3 bak nizaan ah a sung. Cucaah, Trump caah cun ruahchannak a um ti lo tluk asi.

Georgia state ah Biden nih a teimi hi fehter rih hlah uh tiin Trump phu sihni Lin Wood nih tazacuaimi cu US District Judge Steven Grimberg nih a hnon. Biaceihtu Steven Grimberg hi Trump bak nih rian a pekmi si nain a bawm hlei lo.

“Georgia state ah thimnak result fehternak dingah ni 1 lawng aa duh cang, mah lio ah fehter lo dingin bia ka khiah cun mipi an lungbuai dih lai pinah, fehter lonak dingah zeihmanh tet-te nan chuahpi mi um lo,” ati.

Pennsylvania state, Philadelphia khua um Bucks County i mee 2,200 kha saṭaih bawm loin a rami an si caah hnon hna, tiin Trump phu nih an halmi cu biaceihzung a cohlang hoi lo.

“Trump phu nih mee 2,200 hnon dingin a kan fialmi hi hnon awktlak a sinak aruang zeihmanh tette an langhter khawh lo caah kan cohlang lo,” tiin biaceihtu nih a khiah.

Arizona state um, Phoenix Khua Thimnak Zung rianṭuan pawl nih Biden teinak (thimnak result) hi fehter rih hna hlah seh tiin Trump phu nih an halmi zong biaceihzung nih a hnonpiak ve hna.

Arizona Republican Party nih, “Phoenix khua um Maricopa County mee vialte hi a thar in kan relpiak ṭhan uh, an rel ning a diklo,” tiin State Biaceihtu Pu John Hannah an hal.

Pu John Hannah nih a cohlang lo.

Acunglei langhtermi state 3 ahhin Trump nih teinak hmu sehlaw kum 4 chung president a peh kho rih hnga, nain 3 ningin Biden nih a tei.

Thimtu upa mee 538 chungah acheu fai simi 270 tal ngah lawngah teinak co asi. Biden nih 306 a ngah i Trump nih 232 lawng a ngah. Cucaah, Biden nih a tei tiin US le vawleipumpi nih cohlan dih asi cang. 

Sinain, Trump nih a sunghmi a cohlang duh lo i zeihmanh tette chuahpi khawh ṭung loin “mee diklo a tam tuk, mithi min hna in mee an thlak …” ati i thimnak result cu fehter lo dingin state tampi biaceihzung ah tazacuainak a tuah thluahmah hna.

Nain tette zeihmanh a chuahpi khawh lo caah tazacuainak a tuahmi pawl cu pakhat hnu pakhat in a sung thluahmah. Biaceihzung sangbik a simi Supreme Court tiang kan phan lai ati nain nihin tiang ah thimnak kong he pehtlai in tazacuainak a tuahmi hi Supreme Court a phanmi an um rih lo. Direct in Supreme Court ah kal a ngah lo. Biaceihzung niam pawl nih an ceih dih hnu lawngah Supreme Court ah kai khawh asi.

Trump cu a duh zongah, duhlo zongah cepa si ko cang. January 20, 2021 ahcun a duh zong, duhlo zongah US President Inn (White House) in a chuah hau ko lai.

Kan Bawm Ve

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si. Lunglawmh thawngthanhnak caah na min le hmanthlak na kan kuat khawh cun kan i lawm chinchin ko hnga.

Email Kan Kua

Na email kan kua law, ni fatin thawngpang thar kan in kuat lai

Email Kan Kua

Na email kan kua law, ni fatin thawngpang thar kan in kuat lai

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

COVID-19

Vawleipumpi
60,855,812
A zawmi
Updated on November 26, 2020 12:55 pm
Vawleipumpi
1,429,720
A thimi
Updated on November 26, 2020 12:55 pm
Vawleipumpi
41,687,689
A dammi
Updated on November 26, 2020 12:55 pm
- Advertisement -